Fransanın kredit reytinqini aşağı salınıb, Portuqaliya və İspaniyanın yüksəldilib

Fransanın kredit reytinqini aşağı salınıb, Portuqaliya və İspaniyanın yüksəldilib

Fransanın kredit reytinqini aşağı salınıb, Portuqaliya və İspaniyanın yüksəldilib

Beynəlxalq kredit reytinq agentliyi Fitch Ratings Fransanın xarici valyutada uzunmüddətli kredit reytinqini “AA-”dan “A+”-ya endirib və reytinqin proqnozunu “sabit” olaraq müəyyən edib.

Marja xəbər verir ki, Fitch açıqlamasında, Fransa iqtisadiyyatına dair qiymətləndirmələr diqqət çəkilib. Ölkənin yüksək və artan borc nisbətinin davam etdiyi, dövlət borcunun ÜDM-ə nisbətinin 2024-cü ildə 113,2%-dən 2027-ci ildə 121%-ə yüksəlməsinin gözlənildiyi bildirilib. Bu artımın ölkənin yeni iqtisadi şoklara cavab vermə qabiliyyətini məhdudlaşdırdığı vurğulanıb.

VTB-də minimal faiz dərəcəsi ilə nağd kredit 9.9%-dən

Açıqlamada hökumətin etimad səsverməsində məğlub olmasının daxili siyasətdə parçalanma və qütbləşməni ortaya çıxardığı qeyd edilib. Keçən il keçirilən erkən seçkilərdən sonra Fransada üç fərqli hökumətin fəaliyyət göstərdiyi, bu siyasi sabitliksizlik səbəbindən maliyyə konsolidasiya tədbirlərinin zəiflədiyi və büdcə kəsirinin 2029-a qədər ÜDM-in 3%-inə endirilməsinin çətinləşdiyi bildirilib. Fitch Fransanın fiskal konsolidasiya və AB maliyyə qaydalarına uyğunluq sahəsində zəif performans göstərdiyini vurğulayıb.

Digər tərəfdən, Fitch Portuqaliyanın xarici valyuta uzunmüddətli kredit reytinqini “A-”dan “A”-ya yüksəldib və proqnozunu “sabit” elan edib. Açıqlamada ölkənin dövlət borcunun 2020-ci ildə ÜDM-in 134,1%-i ilə zirvəyə çatdığı, lakin 2025-ci ilin ilk rübündə 96,4%-ə düşdüyü qeyd edilib.

Eyni zamanda, Standard & Poor’s (S&P) İspaniyanın xarici və yerli valyutada uzunmüddətli kredit reytinqini “A”-dan “A+”-ya yüksəldib və proqnozunu “sabit” olaraq təyin edib. S&P-nin açıqlamasında İspaniyanın özəl sektorunun son 10 ildə borc azaldılması sahəsində səylərinin xarici balansda əhəmiyyətli yaxşılaşma təmin etdiyi, iqtisadi şoklara qarşı davamlılığı artırdığı və xarici maliyyələşmə şoklarına həssaslığını azaltdığı vurğulanıb.

15.09.2025 11:42