Məşhur YouTuber MrBeast öz telekommunikasiya şirkətini qurur

Məşhur YouTuber MrBeast öz telekommunikasiya şirkətini qurur

Məşhur YouTuber MrBeast öz telekommunikasiya şirkətini qurur

Dünyaca tanınmış 27 yaşlı YouTuber MrBeast (əsl adı Cimmi Donaldson) yeni sahəyə sərmayə yatıraraq öz telekommunikasiya şirkətini qurmağa hazırlaşır.

Marja xəbər verir ki, Business Insider-ın məlumatına görə, sızdırılan investor təqdimatında qeyd edilib ki, MrBeast gələn il mobil telefon xidməti istifadəyə verməyi planlaşdırır.

Eyni zamanda, MrBeast və Beast Industries rəhbərlərinin fintek və mobil oyun sektorlarına da sərmayə qoymaq niyyəti olduğu bildirilir.

Yeni təşəbbüs Mobil Virtual Şəbəkə Operatoru (MVNO) modeli üzərində qurulacaq. Bu strategiya, AT&T, T-Mobile və Verizon kimi ABŞ-ın ən böyük operatorlarının mövcud şəbəkələrindən istifadə etməklə yüksək infrastruktur xərci olmadan müştərilərə sərfəli və keyfiyyətli xidmət təqdim etməyə imkan verir. MrBeast-in planı da bu operatorlardan biri ilə əməkdaşlıq etməklə xidmət göstərməkdir. Bu model daha əvvəl aktyor Rayan Reynolds tərəfindən də istifadə olunub – onun Mint Mobile şirkəti sonradan 1,35 milyard dollara T-Mobile-a satılıb.

MrBeast-in biznes imperiyası böyüyür

YouTuber-in yeni mobil şirkəti, onun biznes sahəsində böyümə strategiyasının bir hissəsidir. O, artıq Feastables şokolad markası, Lunchly kimi qida şirkətləri və oyuncaqlar seriyası ilə bazarda yer alıb. 430 milyon abunəçisi olan MrBeast, YouTube-dakı populyarlığını iş dünyasında sərmayələrə yönəldərək yeni uğurlar qazanmağı hədəfləyir.

İş axtarmaq heç vaxt bu qədər həyəcanlı olmayıb! Hər gün yeni vakansiyalar, maaşı yüksək, etibarlı elanlar - AzVak.az-da. İndi bax, fürsəti qaçırma!

04.09.2025 08:21