Qlobal bazarlarda son vəziyyət - GÜNƏ BAXIŞ

Dünya maliyyə bazarları bu həftəni ABŞ-da keçiriləcək illik "Jackson Hole" Ekonomik Simpoziumunun kölgəsində keçirir. Bütün diqqətlər Federal Ehtiyat Sisteminin (FED) sədri Cerom Pavelin cümə günü etdiyi çıxışa yönəlib. İnvestorlar faiz dərəcələrinin gələcək trayektoriyasına dair ən kiçik bir ipucu üçün onun hər sözünü diqqətlə dinləyəcək.
Bu gərgin gözlənti atmosferində dünyanın ən böyük iqtisadiyyatlarından açıqlanan son Biznes Aktivlik İndeksləri (PMI) bazar iştirakçılarına iqtisadi vəziyyəti qiymətləndirmək üçün mühüm məlumatlar təqdim etdi.
Avrozonanın S&P Global tərəfindən açıqlanan ilkin PMI məlumatları iqtisadi bərpanın qeyri-bərabər olduğunu ortaya qoydu.
• Avrozona Kompozit PMI: 51.1 (50.7 gözlənilirdi). Bu rəqəm fəaliyyətin gözlənilənin üzərində açıqlandığını və genişlənmə (50.0-dan yuxarı) zonasında qərarlaşdığını göstərir.
• Almaniya iqtisadiyyatı da inkişaf edir. İstehsal PMI 49.9 olaraq qeydə alınıb ki, bu da sektorda əhəmiyyətli bir inkişafı əks etdirir.
Bu qarışıq məlumatlar Avropa Mərkəzi Bankının (ECB) növbəti faiz endiriminə getməsi ehtimallarını artırır.
İngiltərə: Xidmət Sektoru İqtisadiyyatı Dəstəkləyir, Lakin Risklər Qalır
İngiltərədə də S&P Global/CIPS PMI məlumatları açıqlandı.
• İngiltərə Kompozit PMI: 53.0 kimi ölçülüb. Bu, iyul ayındakı 51.6 səviyyəsindən yuxarı göstəricidir və iqtisadi fəaliyyətin artmaqda davam etdiyini göstərir.
• Xidmət Sektoru PMI: Ölkənin iqtisadiyyatının əsas hərəkətverici qüvvəsi olan xidmət sektoru sabit bir artım templi saxlayır - 53.6.
Bu məlumatlar İngiltərə Bankının (BoE) faiz dərəcələrini dəyişməsi ehtimmalrını dəstəkləyir dəstəkləyir. Lakin, FED-in daha hərtərəfli siyasəti ABŞ dollarının (USD) güclənməsinə səbəb olsa, İngilis funtunun (GBP) qarşısına çətinliklər çıxacaq.
ABŞ üçün S&P Global-un açıkladığı ilkin PMI məlumatları iqtisadiyyatın digər bölgələrə nisbətən daha möhkəm dayandığını təsdiqlədi.
• ABŞ Kompozit PMI: 55.4 (İyulda 53.5 idi).
• Xidmət Sektoru PMI: Xidmət sektoru böyüməyə davam edir - 55.4.
• İstehsal Sektoru PMI: İstehsal sektoru da böyüyür - 53.3. Bu da, müəssisələrin inventar və investisiya fəaliyyətində bir canlanma ola biləcəyini göstərir.
Əsas narahatçılıq mənbəyi isə xidmət sektörunda giriş xərclərinin sürətlə artmağa davam etməsidir. Bu, inflyasiya təzyiqlərinin davam etdiyinə işarədir və FED-in inflyasiya ilə mübarizəsinin bitmədiyini xatırladır.
Cerom Pavelin çıxışı bütün bu məlumatların fonunda baş verəcək. Bazar iştirakçıları onun ağzından iki əsas suala cavab axtarır: FED sentyabrda faizləri endirəcəkmi? Və endirimlərin templi nə qədər olacaq?
• Şahin Təbirli Çıxış (Ən Çox Gözlənilən Ssenari): Əgər Pavel inflyasiya risklərinin tam aradan qalmadığını və siyasətin məhdudlaşdırıcı qalması lazım olduğunu vurğulasa, ABŞ dolları (DXY indeksi) daha da güclənə bilər. Bu vəziyyətdə, EUR/USD cütü 1.15000 səviyyəsinin altına enişi sınaya, GBP/USD isə 1.33000 ətrafında təzyiq altında qala bilər. Qızıl ($3330-3300/ons diapazonu) və fond indeksləri qısamüddətli zərər görə bilər.
• Göyərçin Çıxış (Az Ehtimal Olunan Ssenari): Əgər Pavel iqtisadiyyatın yavaşladığını və inflyasiyanın nəzarət altına alındığını işarə edən açıq siqnal versə, dollar zəifləyə bilər. Bu, EUR/USD və GBP/USD-nin yüksəlişinə, həmçinin riskli aktivlərə (səhmlər, emtialar) müvəqqəti dəstək ola bilər.
Hazırkı məlumatlar FED-ə ehtiyatlı olmaq üçün əsas verir. Buna görə də, Pavelin şahin təbirli bir çıxış etməsi və sentyabrda faiz endirimindən çəkinməsi gözlənilir. Bu, dolların qısamüddətdə daha da güclənməsi demək ola bilər, lakin "hansı templə?" sualı cavabsız qalacaq. Forex treyderləri və investorlar üçün həddən artıq hərəkətlilik gözlənilir və mərkəzi bankların pul siyasətləri arasındakı fərqlər daha da aydınlaşacaq.
Məlumat İnvest-AZ İnvestisiya Şirkətinin analitikləri tərəfindən hazırlanıb.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri
SON XƏBƏRLƏR
- 3 həftə sonra
-
22 saat sonra
Unibank həftəsonuna özəl komissiyasız kredit kampaniyası keçirir
-
5 d. əvvəl
1 səhmdarı olan BOKT-da yığıncaq keçiriləcək, idarəetmə orqanlarına dair məsələlər müzakirə ediləcək
-
- 11 d. əvvəl
-
33 d. əvvəl
Xasiyev "Rabitəbank"ın 101 min ədəddən çox səhmini əldə edərək payını artırıb
-
1 saat əvvəl
Meta Google ilə 10 milyard dollarlıq bulud müqaviləsi imzalayıb
-
1 saat əvvəl
Elektron Təhlükəsizlik Xidmətinin rəis müavini də vəzifəsindən azad edilib
- 1 saat əvvəl
- 1 saat əvvəl
-
1 saat əvvəl
Gəncədə “PAŞA Bank”ın “Bilik səfəri” regional inkişaf layihəsinə qeydiyyat davam edir
- 1 saat əvvəl
- 2 saat əvvəl
Son Xəbərlər

Unibank həftəsonuna özəl komissiyasız kredit kampaniyası keçirir

1 səhmdarı olan BOKT-da yığıncaq keçiriləcək, idarəetmə orqanlarına dair məsələlər müzakirə ediləcək

Sabahın hava proqnozu açıqlandı

Abşeronda boya istehsalı zavodu yanır

Gəncədə “PAŞA Bank”ın “Bilik səfəri” regional inkişaf layihəsinə qeydiyyat davam edir
Ən çox oxunanlar

Qlobal bazarlarda son vəziyyət - GÜNƏ BAXIŞ

Babayev dövlət şirkətlərinin sədri təyin edilib

Yerli buğda emalında yeni rekord: “Agro Dairy” ərzaq təhlükəsizliyində liderliyini möhkəmləndirir

Əliyevin Berdiməhəmmədov ilə təkbətək görüşü olub

Azərbaycan neftinin son qiyməti

Volkswagen Avropa bazarında Tesla-nı geridə qoyub

Rəsmi məzənnələr açıqlandı
