ABŞ, Rusiya neftindən qazanc götürən hindistanlı zənginləri hədəfə aldı

ABŞ, Rusiya neftindən qazanc götürən hindistanlı zənginləri hədəfə aldı

ABŞ, Rusiya neftindən qazanc götürən hindistanlı zənginləri hədəfə aldı

ABŞ Maliyyə naziri Skott Bessent bildirib ki, Ukraynanın işğalından əvvəl Hindistanın neft idxalında Rusiyanın payı 1 faizdən az idisə, hazırda bu göstərici 42 faizə yüksəlib.

Marja xəbər verir ki, onun sözlərinə görə, Hindistanın ən varlı ailələrindən bəziləri idxal etdikləri Rusiya mənşəli xam nefti yenidən satışa çıxararaq böyük qazanc əldə edirlər.

Bessent əlavə edib ki, məhz sanksiyalar altındakı Rusiya neftini almaqda davam etdikləri üçün ABŞ Hindistana qarşı gömrük tariflərini artırmağı planlaşdırır. O, Rusiyanın 2022-ci ildə Ukraynaya hücumundan sonra yaranmış vəziyyətdən Hindistanın sui-istifadə etdiyini vurğulayıb.

Nazirin son açıqlamaları ABŞ Prezidenti Donald Tramp administrasiyasının Hindistana, eləcə də dolayı olaraq Asiyanın ən zəngin milyarderi Mukeş Ambaniyə (Mukesh Ambani) təzyiqləri artırdığını göstərir. Ambaniyə məxsus "Reliance Industries Ltd." şirkəti Qərbi Hindistanda dünyanın ən iri neft emalı kompleksinə sahibdir və Rusiya xam neftinin əsas alıcıları sırasında yer alır.

Həftənin əvvəlində isə Ağ Evin ticarət müşaviri Piter Navarro "Financial Times" qəzetində dərc olunan məqaləsində Hindistanın neft maqnatlarını və onların hökumətlə əlaqələrini hədəf alaraq, alışların artmasını “sui-istifadə” kimi qiymətləndirmişdi.

Tramp administrasiyası Hindistanın ABŞ-a ixracına tətbiq olunan vergiləri 50 faizə qədər qaldırmaqla hədələyir. Bu isə hər hansı ölkənin məhsullarına tətbiq edilə biləcək ən yüksək tariflərdən biri olacaq.

20.08.2025 12:05

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az