“Cahan Şirkətlər Qrupu”nun təşəbbüsü ilə Naxçıvanda yaşayan şəhid ailələri azad edilmiş ərazilərə səfər ediblər

“Cahan Şirkətlər Qrupu”nun təşəbbüsü ilə Naxçıvanda yaşayan şəhid ailələri azad edilmiş ərazilərə səfər ediblər

“Cahan Şirkətlər Qrupu”nun təşəbbüsü ilə Naxçıvanda yaşayan şəhid ailələri azad edilmiş ərazilərə səfər ediblər

“Cahan Şirkətlər Qrupu”nun və Naxçıvan Şəhid Ailələri İctimai Birliyinin təşkilatçılığı ilə Naxçıvandan olan 63 şəhid ailəsi üzvü Şuşaya səfər edib.

13–14 avqust tarixlərində təşkil olunan səfərin əsas məqsədi, Azərbaycanın işğaldan azad olunması uğrunda şəhid olmuş qəhrəmanlarımızın övladlarına, ailələrinə və yaxınlarına Şuşa və digər azad edilmiş torpaqlarımızı tanıtmaq olmuşdur.

Səfər çərçivəsində əvvəlcə Ulu Öndər Heydər Əliyevin büstü ziyarət olunub, abidə önünə gül dəstələri qoyularaq xatirəsi yad edilib. Ardınca tədbir iştirakçıları Bakıya yola düşüb, hava limanında xoş qarşılamadan sonra Şuşa səfərinə davam ediblər.

Səfərin ilk günü, 13 avqustda, Şuşa şəhərinin “Xarı bülbül” otelində qalan şəhid ailələri Şuşa qalasını ziyarət ediblər. Axşam yeməyindən sonra uşaqlar üçün rəsm məşğələsi təşkil olunub, çəkdikləri əsərlər otelin foyesində sərgilənib və onlara maraqlı, şəkilli kitablar hədiyyə edilib.

Səfərin ikinci günündə iştirakçılar İsa bulağına səfər edib, Cıdır düzünü, Molla Pənah Vaqif məqbərəsini və Gövhər Ağa məscidini ziyarət edib, İcra Hakimiyyətində görüş keçiriblər. Nahardan sonra Bakı şəhərinə yola düşüblər.

Səfər zamanı görüşdə şəhid ailələri ilə səmimi söhbətlər aparılıb, onların qayğı və ehtiyacları dinlənilib. Bu təşəbbüs, şəhid ailələrinin mənəvi dəstəyə olan ehtiyaclarının qarşılanması və dövlətin onlara göstərdiyi diqqətin bir daha nümayişi kimi qiymətləndirilib.

“Cahan Şirkətlər Qrupu” və Naxçıvan Şəhid Ailələri İctimai Birliyi bu səfərin təşkilində göstərdikləri dəstəyə görə Prezidentin səlahiyyətli nümayəndəliyinə təşəkkürünü bildirir. Bu ziyarət, həm vətən uğrunda canından keçmiş qəhrəmanların xatirəsinə ehtiramın ifadəsi, həm də onların ailələri üçün unudulmaz və mənəvi baxımdan dəyərli bir xatirə kimi yadda qalacaq.

Cahan-Şirkətlər-Qrupu Şuşa səfəri şəhid ailələri Cahan Şirkətlər Qrupu Naxçıvan Şəhid Ailələri İctimai Birliyi işğaldan azad olunmuş torpaqlar Şuşa qalası İsa bulağı Cıdır düzü Molla Pənah Vaqif məqbərəsi Gövhər Ağa məscidi şəhid övladları Prezidentin səlahiyyətli nümayəndəliyi Qarabağ oteli Şuşa ziyarəti Qarabağ mənəvi dəstək vətən uğrunda şəhidlər xatirə səfəri Azərbaycan torpaqları Şuşa şəhəri

14.08.2025 17:41

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az