Trampın vergi qanunu büdcə kəsirini 3,4 trilyon dollar artıracaq

Trampın vergi qanunu büdcə kəsirini 3,4 trilyon dollar artıracaq

ABŞ Konqresinin Büdcə Ofisinin (CBO) yeni hesablamalarına görə, ABŞ Prezidenti Donald Trampın bu yaxınlarda qüvvəyə minmiş vergi və xərclər haqqında qanun layihəsi yaxın onillikdə ABŞ-ın büdcə kəsirinə əlavə 3,4 trilyon dollar əlavə edəcək.

Trampın vergi qanunu büdcə kəsirini 3,4 trilyon dollar artıracaq

ABŞ Konqresinin Büdcə Ofisinin (CBO) yeni hesablamalarına görə, ABŞ prezidenti Donald Trampın bu yaxınlarda qüvvəyə minmiş vergi və xərclər haqqında qanun layihəsi yaxın onillikdə ABŞ-ın büdcə kəsirinə 3,4 trilyon dollar əlavə edəcək və milyonlarla insanı tibbi sığortadan məhrum edəcək.

Bazar ertəsi açıqlanan CBO təhlilinə görə, qanun mövcud qanunvericiliklə müqayisədə 4,5 trilyon dollar gəlir itkisini və xərclərin 1,1 trilyon dollar azalmasını əks etdirir. Bu yeni təhlil iqtisadi artım və ya faiz dərəcələri kimi dinamik amilləri əhatə etmir.

Tramp respublikaçılar ilə aylarla davam edən danışıqlardan sonra iyulun 4-də “Bir Böyük Gözəl Qanun” adlandırdığı qanun layihəsini imzalayıb. Qanun Trampın iqtisadi gündəminin çox hissəsini əhatə edir: O, gəlir vergisi endirimlərini daimi edir, bəzi bizneslər üçün vergi imtiyazlarını saxlayır, ştat və yerli vergi endirimlərinə məhdudiyyətin yuxatı "tavanını" ləğv edir, bəxşiş və əlavə iş gəlirlərinə görə vergiləri müvəqqəti olaraq aradan qaldırır.

Qanunvericiliyin qəbulu bəzi iqtisadçıların və investorların ABŞ-ın büdcə kəsirinin daha da genişlənəcəyinə dair xəbərdarlıqlarına səbəb olub. Bu, borclanma xərclərini və inflyasiyanı artıra bilər. Bununla belə, Tramp administrasiyası il ərzində ABŞ-ın idxalına tətbiq edilən tariflərdən əldə edilən gəlirləri qeyd edir və bu gəlirlərin büdcə kəsirini kompensasiya edəcəyini iddia edir.

22.07.2025 09:48