Rusiya Azərbaycana nota verdi

Rusiya Azərbaycana nota verdi

İyulun 1-də Azərbaycan Respublikasının Rusiya Federasiyasındakı fövqəladə və səlahiyyətli səfiri Rəhman Mustafayev Rusiya Xarici İşlər Nazirliyinə çağırılıb.

Marja xəbər verir ki, bu barədə Rusiya Xarici İşlər Nazirliyi məlumat yayıb.

VTB-də minimal faiz dərəcəsi ilə nağd kredit 9.9%-dən

Rusiya Federasiyası xarici işlər nazirinin müavini Mixail Qaluzin ilə görüş zamanı, rəsmi Bakının son addımlarına etiraz edilib.

Bunlara dövlətlərarası dialoq çərçivəsində yüksək səviyyəli tədbirlərin ləğvi, Azərbaycanın hüquq-mühafizə orqanlarının Rusiyanın "Sputnik Azərbaycan" agentliyinə və onun əməkdaşlarına qarşı hərəkətləri, Rusiya ilə olan bütün mədəni tədbirlərin ləğvi daxildir.

Azərbaycanın diplomatik nümayəndəliyinin rəhbərinə rusiyalı jurnalistlərin həbsdən dərhal azad edilməsi tələbi ilə şifahi nota təqdim edilib.

Bu yaxınlarda Yekaterinburqda Azərbaycan əsilli Rusiya vətəndaşlarının saxlanılması ilə bağlı vurğulanıb ki, Rusiya hüquq-mühafizə orqanları tərəfindən əvvəlki illərdə Rusiya Federasiyası ərazisində törədilmiş ağır cinayətlər faktı üzrə cinayət işlərinin istintaqı çərçivəsində Rusiya qanunvericiliyinə tam uyğun olaraq həyata keçirilən istintaq hərəkətləri həyata keçirilib.

Rusiya tərəfi hesab edir ki, Bakının Rusiya hüquq-mühafizə orqanlarını vəzifə səlahiyyətlərindən sui-istifadədə ittiham etmək cəhdləri Rusiyanın daxili işlərinə müdaxilədir.

XXX

Azərbaycanın Moskvadakı səfiri Rəhman Mustafayevə Bakıda saxlanılan rusiyalı jurnalistlərin dərhal azad edilməsi tələbi ilə şifahi nota təqdim edilib.

TASS xəbər verir ki, bu barədə Rusiya Xarici İşlər Nazirliyinin bəyanatında deyilir.

Bildirilib ki, Rusiya xarici işlər nazirinin müavini Mixail Qaluzinlə görüşdə səfirə Bakının “son qeyri-dost hərəkətləri ilə bağlı etiraz təqdim olunub”.