Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Çərşənbə günü ABŞ Federal Ehtiyatlar Sisteminin (FED) sədri Cerom Pauell öz çıxışında bildirib ki, Amerikanın idxal rüsumlarının inflyasiyaya təsirini proqnozlaşdırmaq olduqca çətindir. Həmçinin, FED rəhbəri etiraf edib ki, fiskal (vergi və büdcə) siyasət inflyasiyaya təsir göstərə bilər.

Eyni zamanda, Pauellin sözlərinə görə, dollar hələ də dünya üzrə əsas ehtiyat valyutası olaraq qalır. Lakin, Pauell hazırda dolların dəyərinin çox qiymətləndirilib-qiymətləndirilməməsi barədə fikir bildirməkdən çəkindiyini qeyd edib. ABŞ prezidenti Donald Tramp isə ötən gün Pauellin yerinə yeni namizədlərlə görüşməyə başladığını bildirdi.

VTB-də minimal faiz dərəcəsi ilə nağd kredit 10.49%-dən

Mərkəzi bank rəhbərinin çıxışı fonunda və bu gün ABŞ-da ÜDM göstəricilərinin dərc olunması ərəfəsində dollar beynəlxalq birjalarda major valyutalar qarşısında ucuzlaşmağa davam edib. EURUSD valyuta cütlüyü dünən 1.17170 səviyyəsinə qədər bahalaşaraq 2021-ci ilin sentyabr ayından bəri ən yüksək həddə qalxıb. Eyni dövr ərzində GBPUSD cütlüyü 1.37240 həddinə kimi yüksəlib. Qızıl isə dolların dəyər itirməsi ilə 3343$ səviyyəsinə qədər artım nümayiş etdirib.

Dünən dərc olunan məlumatlara əsasən, ABŞ-da may ayında yeni bir ailəlik evlərin satışı əvvəlki ayla müqayisədə 13.7% azalıb və 623 min təşkil edib. 2024-cü ilin may ayı ilə müqayisədə yeni evlərin satışları 6.3% enib. Həmçinin, ölkədə aprel ayı ilə müqayisədə may ayında Tikinti üzrə İcazələrin Sayı 1.422 milyondan 1.394 milyona qədər azalıb.

Bu gün Bakı vaxtı ilə saat 16:30 açıqlanacaq ÜDM göstəriciləri ilə yanaşı, ABŞ-da dərc olunacaq İşsizlik Müavinəti üçün Müraciətlərin Sayı, Ticarət Saldosu və Şəxsi İstehlak Xərclərinin Baza indeksi investorların diqqət mərkəzində olacaq xəbərlərdir.

Məlumat İnvest-AZ İnvestisiya Şirkətinin analitikləri tərəfindən hazırlanlı

26.06.2025 11:30

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az