ABŞ Mərkəzi Bankı (FED) iyun iclasında pul siyasəti faizini dəyişməyərək 4,25% - 4,50% aralığında saxlayıb.

Marja.az xəbər verir ki, qərar yekdilliklə qəbul edilib. Bankın press-relizində iqtisadi perspektivlə bağlı "qeyri-müəyyənliyin azaldığı, lakin yüksək olaraq qaldığı" qeyd edilib.

İşsizlik səviyyəsinin aşağı səviyyədə, əmək bazarının sabit qaldığı bildirilib.

İlin sonuna qədər 2 endirim proqnozu saxlanılıb

FED bu ilin sonu üçün uçot dərəcəsi üzrə proqnozunu dəyişməyərək mart ayında proqnozlaşdırdığı səviyyədə -  3,9% səviyyəsində saxlayıb, 

FED 2026-cı il üçün faiz proqnozunu 3,4%-dən 3,6%-ə, 2027-ci il üçün proqnozunu isə 3,1%-dən 3,4%-ə qaldırıb.

Bu proqnozlar FED-in 2025-ci ildə iki faiz endirimi proqnozlaşdırmağa davam etdiyindən xəbər verir. 2026 və 2027-ci illər üçün faiz endirimi gözləntiləri azalıb.

FED 2025-ci il üçün iqtisadi artım proqnozunu 1,7 faizdən 1,4 faizə endirib. İnflyasiya proqnozunu 2,7 faizdən 3 faizə qaldırılıb.

Bu il üçün inflyasiya proqnozu  2,7 faizdən 3 faizə, 2026-cı il üçün 2,2 faizdən 2,4 faizə, 2027-ci il üçün isə 2 faizdən 2,1 faizə qaldırılıb.

Dəyişkən enerji və ərzaq qiymətlərini istisna edən baza inflyasiyası üzrə proqnozlar da bu il üçün 2,8 faizdən 3,1 faizə, 2026-cı il üçün 2,2 faizdən 2,4 faizə, 2027-ci il üçün isə 2 faizdən 2,1 faizə dəyişdirilib.

İşsizlik səviyyəsi gözləntisi ilin sonu üçün 4,4 faizdən 4,5 faizə, gələn il üçün 4,3 faizdən 4,5 faizə, 2027-ci il üçün isə 4,3 faizdən 4,4 faizə qaldırılıb.

Pauelldən açıqlamalar

Qərardan sonra kameralar qarşısına çıxan FED-in sədri Jerome Powell, pul siyasəti mövqeyinin yaxşı yerdə olduğunu bildirib.

Pauell bildirib ki, inflyasiya aşağı düşsə də, 2%-lik hədəfin üzərində qalır.

Sədr proqnozların "qeyri-adi yüksək qeyri-müəyyənliyi" əks etdirdiyini söyləyib. Gömrük vergisi (tarif) artımlarının qiymətləri artıracağını deyən Powell , "Tariflərdən bəzi təsirləri görməyə başlayırıq. Qarşıdakı aylarda daha çox təsir olacaq" deyib.

Pauell, ev təsərrüfatları və müəssisələr arasında aparılan sorğuların son aylarda etimadın azaldığını və iqtisadi perspektivlə bağlı qeyri-müəyyənliyin artdığını göstərdiyini və bunun əsasən ticarət siyasəti ilə bağlı narahatlıqları əks etdirdiyini söyləyib. 

Pauell, bu hadisələrin gələcək xərclərə və investisiyalara necə təsir edəcəyinin hələ aydın olmadığını deyib.

FED sədrinin sözlərinə görə, pul siyasəti mövqeyinə hər hansı düzəlişləri nəzərdən keçirməzdən əvvəl iqtisadiyyatın ehtimal olunan istiqaməti haqqında daha çox öyrənmək üçün gözləmək üçün yaxşı vəziyyətdədirlər.

“Faiz artımı bizim əsas ssenarimiz deyil”

Faiz dərəcələrinin yolunun inflyasiya və əmək bazarının vəziyyəti ilə bağlı məlumatlardan və fərqli ssenarilərdən asılı olacağını söyləyən Powell, "Məncə, faiz endirimlərinin uyğun olduğu bir yerə çatmaq ehtimalımız daha çoxdur" dedi.

Faiz dərəcələrini azaltmaq üçün hansı məlumatların və nə qədər vaxt lazım olacağı ilə bağlı suala Pauell belə cavab verib: "Bunun nə vaxt baş verəcəyini söyləmək çətindir, lakin bunun gələcəyini bilirik. Düşünürük ki, ən doğru şey olduğumuz yerdə qalmaq və daha çox şey öyrənməkdir".

Powell, yayda tariflər haqqında daha çox məlumat əldə etməyi gözlədiklərini və "daha yaxşı qərarlar" verə bilmək üçün bir az daha çox məlumat əldə etmək istədiklərini söyləyib/

Powell, "Əlbəttə, faiz artımı bizim əsas ssenarimiz deyil" deyib

Qeyd ed'k ki? ABŞ prezidenti Donald Tramp bu gün Ağ Evdə keçirilən tədbirdə FED sədri Jerome Powell-i "axmaq" adlandırıb və "yəqin ki, bu gün faiz dərəcələrini aşağı salmayacaq" deyib.

Tramp Avropanın faiz dərəcələrini endirdiyi halda, ABŞ-ın ümumiyyətlə faiz dərəcələrini azaltmadığını bəyan edərək, Paueli “siyasi” olmaqda və ölkəyə böyük maliyyə itkisi verməkdə ittiham edib.

Pauellin "pis iş gördüyünü" deyən Tramp, faiz dərəcələrinin enməsini istədiyini bir daha təkrar edib.

Son endirim dekabrda olub

FED 6-7 may tarixlərində keçirdiyi son iclasında uçot dərəcəsini 4,25-4,50 faiz səviyyəsində sabit saxlayıb. Bank son faiz endirimini 2024-cü ilin dekabrında edib. O vaxtdan bəri FED,  Donald Trampın əlavə tarifləri və digər siyasət dəyişikliklərinin iqtisadiyyata və qiymətlərə təsirini qiymətləndirmək üçün faiz dərəcələrini dəyişməyib.