Bankların ipoteka portfeli üzrə artım tempinin davam edəcəyi gözlənilir

Bankların ipoteka portfeli üzrə artım tempinin davam edəcəyi gözlənilir

Bankların ipoteka portfeli üzrə artım tempinin davam edəcəyi gözlənilir

"Sorğunun 2025-ci ilin I rübü üzrə nəticələrinə əsasən, həm daxili ipoteka kreditləri, həm də İpotek Kredit Zəmanət Fondunun (İKZF) hesabına verilən kreditlər üzrə standartlarda nəzərəçarpan dəyişiklik müşahidə edilməyib. Banklar növbəti rübdə ümumi ipoteka kreditləri, o cümlədən İKZF hesabına verilən kreditlər üzrə kredit standartlarında dəyişiklik olmayacağını gözləyirlər".

Marja.az xəbər verir ki, bu, Mərkəzi Bank tərəfindən 2025-ci ilin I rübü üzrə bank sektorunda kreditləşmə fəaliyyəti və maliyyələşmə mənbələrinə dair sorğunun nəticələrində bildirilir.

Qeyd edilib ki, banklardan gələn sorğu nəticələrinə əsasən, 2025-ci ilin I rübündə ümumi ipoteka kreditləri üzrə tələbdə artım trendi davam edib. Respondentlərin cavablarına görə, tələbdəki artım İKZF hesabına verilən ipoteka kreditləri üzrə müşahidə olunub. Cari ilin I rübündə tələbin artmasına təsir göstərən əsas faktor ilin əvvəlində İKZF tərəfindən ipoteka kreditləşməsi prosesinin davam etdirilməsi məqsədilə müvəkkil banklara ipoteka kreditlərinin, o cümlədən güzəştli ipoteka kreditlərinin verilməsi üçün limitlər ayrılmasıdır. Banklar növbəti rübdə İKZF hesabına verilən ipoteka kreditləri üzrə tələbdə artım trendinin davam edəcəyi, daxili ipoteka kreditlərində isə tələbdə dəyişiklik olmayacağı qənaətindədirlər.

Bankların sorğuda qeyd etdiyi cavablara görə, ipoteka kreditləri üzrə kredit standartlarına bankların maliyyələşmə dəyəri, inflyasiya və daşınmaz əmlak bazarı üzrə gözləntiləri sərtləşdirici təsir göstərən faktorlar olub. Bütövlükdə, sorğu nəticələrinə əsasən, bankların ipoteka portfeli üzrə artım tempinin növbəti rüb də davam edəcəyi gözlənilir.

21.05.2025 16:42