ABŞ Federal Ehtiyat Sistemi (FED, mərkəzi bank) faiz dərəcələrini 4,25% - 4,50% aralığında sabit saxlayıb.

Bazarlarda da FED-in faiz aralığında dəyişiklik edəcəyi gözlənilmirdi. 

Prezident Donald Trump-ın əlavə gömrük tarifləri və iqtisadiyyatı ətrafında qeyri-müəyyənlik FED-i gözləmə mövqeyində qalmağa məcbur edir. FED Donald Trampın əlavə gömrük tariflərinin inflyasiyaya və iqtisadiyyat təsirlərini görmək istəyir. 

Treyderlər FED sədri Jerome Powell-in açıqlamalarını diqqətlə dinləyəcəklər, çünki onun mərkəzi bankın faiz dərəcələrini azaldıb-azdırmayacağına daha çox işıq salacağına ümid edirlər.

FED, tarif təsirini qiymətləndirməyi gözlədiyi üçün dekabr ayında etdiyi son faiz endirimindən bəri pauza rejimindədir. 

FED rəsmiləri ardıcıl üçüncü iclasda faiz dərəcələrini sabit saxlayırlar, həm yüksək inflyasiyanın, həm də işsizliyin artması riskini gördüklərini vurğulayırlar. 

"İqtisadi perspektivlə bağlı qeyri-müəyyənlik daha da artıb. Komitə riskləri nəzərə alır, yüksək işsizlik və yüksək inflyasiya risklərinin artdığını qiymətləndirir", - qərar mətnində deyilir.

Bu gün faiz qərarı yekdilliklə qəbul edilib.

İşsizliyin hələ də aşağı və tələbin sabit olması ilə əlaqədar olaraq, FED rəsmiləri iqtisadiyyatın hara doğru getdiyi barədə daha yaxşı təsəvvür əldə edənə qədər faiz dərəcələrini dəyişməz saxlayacaqlarına işarə ediblər.

Faiz qərarının mətnində (press-relizində) qeyd olunub ki, xalis ixracdakı dalğalanmalar məlumatlara təsir etsə də, son göstəricilər iqtisadi fəaliyyətin güclü sürətlə genişlənməyə davam etdiyini göstərir.

ABŞ prezidenti Tramp tez-tez FED-i faiz dərəcələrini endirməyə çağırsa da, mərkəzi bank rəsmiləri gömrük tarifi siyasətlərinin ABŞ iqtisadiyyatına təsirləri daha aydın görünənə qədər gözləmək lazım olduğu fikrini ifadə ediblər.

İdxal olunan mallara tətbiq edilən aqressiv tariflər istehlakçıların ABŞ-a inamını sarsıtdığı üçün ev təsərrüfatları istehlak qiymətlərinin mümkün artımı və əmək bazarının zəifləməsi riskinə hazırlaşır.

Bununla belə, son məlumatlar göstərdib ki, mart ayında inflyasiya yavaşlayıb, aprel ayında isə işsizlik səviyyəsi sabit qalıb.