"Bank BTB" 2025-ci ilin 1-ci rübünü (yanvar-mart) 814 min manat xalis mənfəət ilə başa vurub. Bank 2024-cü ilin 1-ci rübünü 129 min manat xalis mənfəət ilə bağlamışdı.

Beləliklə, "Bank VTB (Azərbaycan)"ın xalis mənfəəti 2025-ci ilin 1-ci rübündə 2024-cü ilin ilin eyni dövrü ilə müqayisədə 685 min manat və ya 6,3 dəfə artıb. Xalis mənfəətin artması gəlirlərin artmasından qaynaqlanır. 

GƏLİRLƏRİ ARTIB

Marja.az xəbər verir ki, 2025-ci ilin 1-ci rübündə ötən ilin eyni dövrünün yekunu ilə müqayisədə "Bank BTB"nin faiz gəlirləri 270 min manat və ya 3,5% artaraq 7 milyon 906 min manat, qeyri-faiz gəlirləri isə 422 min manat və ya 39,6% artaraq 1 milyon 487 min manat təşkil edib.

2025-ci ilin 1-ci rübündə ötən ilin eyni dövrü ilə müqayisədə "Bank BTB"nin faiz xərcləri 184 min manat və ya 3,8% azalaraq 4 milyon 589 min manat, qeyri-faiz xərcləri 558 min manat və ya 18,5% artaraq 3 milyon 581 min manat təşkil edib.

"Bank BTB"nin cəmi əməliyyat gəlirlərinin (faiz və qeyri-faiz gəlirlərinin) 692 min manat artmasına qarşılıq, cəmi əməliyyat xərcləri (faiz və qeyri-faiz xərcləri) 374 min manat artıb. Faiz borcları üzrə yaradılmış məqsədli ehtiyatlarda dəyişikliklər nəzərə alınmaqla Bankın əməliyyat mənfəəti 257 min manat artaraq 1 milyon 165 min manat təşkil edib (2024-cü ilin ilk rübündə 908 min manat olmuşdu).

2025-ci ilin ilk rübündə "Bank BTB" 1 milyon 165 min manat əməliyyat mənfəətindən 351 min manat aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırma edib. Beləliklə, "Bank BTB" 2025-ci ilin 1-ci rübünü 814 min manat xalis mənfəət ilə bağlayıb.

BANK BÖYÜYÜB

2024-cü ilin sonu ilə müqayisədə ilk rübdə "Bank BTB"nin cəmi aktivləri 4 milyon 496 min manat və ya 1,2% artaraq 367 milyon 313 min manata çatıb Bankın cəmi kredit portfeli (müştərilərə verilmiş kreditlər) isə sabit qalıb və 31 mart 2025-ci il tarixində 269 milyon 594 min manat olub.

2024-cü ilin sonu ilə müqayisədə ilk rübdə "Bank BTB"də müştərilərin müddətli depozitləri 3 milyon 12 min manat və ya 2,3% artaraq 135 milyon 600 min manata yüksəlib. 

MƏCMU KAPİTALI DA ARTIB

31 Mart 2025-ci il tarixində "Bank BTB" 51 milyon 883 min manat məcmu kapitala malik olub. Bank 2024-cü ilin sonunda 51 milyon 87 min manat məcmu kapitala malik idi.