Ziraat Bank Azərbaycan ABA tərəfindən yenidən 5 nominasiya üzrə mükafatlandırılıb

Ziraat Bank Azərbaycan ABA tərəfindən yenidən 5 nominasiya üzrə mükafatlandırılıb

(®) 11 Aprel 2025-ci il tarixində Azərbaycan Banklar Assosiasiyasının (ABA) fəaliyyətinin 35-ci və onun törəmə qurumu olan Azərbaycan Bank və Maliyyə Tədris Mərkəzinin fəaliyyətinin 25-ci ildönümü münasibətilə keçirilən tədbirdə, ənənəvi olaraq “Bankçılıq Mükafatları – 2024” adlı mükafatlandırılma layihəsi üzrə fərqli nominasiyaların sahibləri də məlum olmuşdur.

Ziraat Bank Azərbaycan 2024-cü il ərzində göstərdiyi fəaliyyətə görə Azərbaycan Banklar Assosiasiyası (ABA) tərəfindən 5 fərqli nominasiya üzrə mükafatlara layiq görülüb. Qeyd edək ki, bank 2023-cü il ərzində də göstərdiyi fəaliyyətə görə ABA tərəfindən 5 fərqli nominasiya üzrə mükafatlandırılmışdır.

Dünyanın bir çox ölkəsində fəaliyyət göstərən Ziraat Maliyyə Qrupunun üzvü Ziraat Bank Azərbaycan bu dəfə “Korporativ sosial məsuliyyət”, “Təhsil dəstəkçisi”, “Rəqəmsal ödənişlər sahəsində innovativ layihələrin tətbiqi”, “Kiçik və Orta Biznesin maliyyə əlçatanlığının artırılması ilə əlaqədar tədbirlər keçirmiş ABA üzvü” və “Dayanıqlı bankçılıq üzrə layihələr” (ESG) nominasiyalarına layiq görüldü.

Qeyd edək ki, “Bankçılıq Mükafatları” tədbiri Azərbaycan Banklar Assosiasiyası tərəfindən ildə bir dəfə təşkil edilir və il ərzində bankların fəaliyyəti asossiasiya tərəfindən dəyərləndirilir.

“Ziraat Bank Azərbaycan” ASC 161 illik tarixə malik Türkiyə Respublikasının “Ziraat Maliyyə Qrupu”nun üzvüdür. Bank Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank, korporativ və pərakəndə bankçılıq sahəsində müasir məhsul və xidmətlərini Bakı, Gəncə və Sumqayıtda yerləşən 10 filialı, Quba şöbəsi və eləcə də rəqəmsal platformaları vasitəsilə təqdim edir.

17.04.2025 15:39

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az