Mərkəzi Bank: Əhalinin borc yükünün artımı müşahidə edilir

Mərkəzi Bank: Əhalinin borc yükünün artımı müşahidə edilir

Bu gün Azərbaycan Respublikasının Mərkəzi Bankının 2024-cü ilin yekunları üzrə Maliyyə Sabitliyi Hesabatını dərc edib.

Marja.az xəbər verir ki, hesabatda əhalinin borc yükü barədə məlumatlar da yer alıb.

VTB-də minimal faiz dərəcəsi ilə nağd kredit 10.49%-dən

Qeyd edilib ki, əhalinin borc yükü üzrə dinamikası diqqət mərkəzində saxlanılır:

"Əhalinin sərəncamda qalan gəlirlərində müsbət artım dinamikası müşahidə edilsə də, əhalinin borc yükünün sərəncamda qalan gəlirdə payının artımı müşahidə edilir. Belə ki əhalinin borc yükünün sərəncamda qalan gəlirlərinə nisbəti ötən ilin sonu ilə müqayisədə 2.2 faiz bəndi artaraq 18% olmuşdur. Banklar arasında keçirilən kreditləşmə fəaliyyəti və maliyyələşmə mənbələrinə dair sorğunun nəticələrinə əsasən də bankların 15%-i əhalinin borclanmasında orta dərəcədə artım olduğunu bildirib. Əhalinin borclanması dinamikası Mərkəzi Bank tərəfindən diqqət mərkəzində saxlanılır və bu istiqamətdə tənzimləmə siyasəti formalaşdırılır.

Əhalinin borc yükü= fiziki şəxslərin kredit təşkilatları (Bank, BOKT) qarşısında istehlak və ipoteka kreditlərinin qalıq məbləğinin cəmi.

QEYRİ-İŞLƏK KREDİT PORTFELİ ARTIB

Hesabatda bildirilri ki, istehlak portfeli üzrə kredit riskləri diqqətdə saxlanılır: "2024-cü il ərzində istehlak kreditləri üzrə qeyri-işlək portfelin həcmi nominal ifadədə 25% artaraq (50 milyon manat) 246 milyon manat olmuşdur. Buna baxmayaraq, ötən ilin sonu ilə müqayisədə istehlak kreditlərinin artım tempi də yüksək olduğundan, QİK (qeyri-işlək kreditlər) əmsalı cəmi 0.08 faiz bəndi artaraq 2.92%- ə yüksəlmişdir. Qeyd edək ki, istehlak kreditlərinin 54%-i sabit gəlirləri olan dövlət sektorunda çalışan şəxslərə verilmişdir".