(®) Azərbaycanın aparıcı korporativ maliyyə institutu “PAŞA Bank” kiçik və orta biznes sahiblərinə (KOS) təqdim etdiyi innovativ və müştəriyönümlü rəqəmsal həllərə görə 11 aprel 2025-ci il tarixində 3 nominasiyada beynəlxalq səviyyədə birinciliyə layiq görülüb.

“SME Banking Agency” tərəfindən KOS müştəriləri üçün qeydiyyat, onlayn və mobil bankçılığın inkişafına və effektivliyinə dair keçirilən beynəlxalq “Digital Banking 2025: Central Asian Countries” araşdırmasının nəticələrinə əsasən, “PAŞA Bank” Azərbaycan üzrə aşağıdakı sahələrdə 2025-cü ilin lider bankı seçilib.

• KOS müştəriləri üçün ən yaxşı onlayn qeydiyyat prosesi;
• KOS müştəriləri üçün ən yaxşı mobil tətbiq;
• KOS müştəriləri üçün ən yaxşı onlayn bank.

Qeyd edək ki, “PAŞA Bank” son illər ərzində rəqəmsal bankçılıq və biznes yönümlü xidmətlər sahəsində mühüm uğurlara imza atıb. 2024-cü ildə “SME Banking Agency” bankın onlayn platformasını ölkənin ən yaxşı biznes bankı, mobil tətbiqini isə 112 meyar əsasında ən yaxşı mobil bankı elan edib. 2023-cü ildə isə Bank “Azərbaycanın ən yaxşı internet bankı” nominasiyasında lider olub.

Bankın beynəlxalq səviyyədə qazandığı digər uğurlar sırasında 2024-cü ildə “Euromoney” tərəfindən “Azərbaycanın ən yaxşı KOS bankı”, 2025-ci ildə isə “International Investor” tərəfindən real sektorun dayanıqlı inkişafına verdiyi töhfəyə görə “Azərbaycanın ən yaxşı bankı” seçilməsi də yer alır.

Bu nailiyyətlər “PAŞA Bank”ın KOS-lara xüsusi diqqət yetirən müştəriyönümlü yanaşmasının, rəqəmsallaşmaya əsaslanan inkişaf strategiyasının və bizneslər üçün optimallaşdırılmış innovativ həllərinin bariz nümunəsidir. 2025-ci ilin “CustomerFirst” ili elan olunması isə bu yanaşmanın strateji əsasda davam etdirildiyini və müştəri məmnuniyyətinin Bank üçün əsas prioritet olduğunu bir daha təsdiqləyir. Rəqəmsal imkanlar vasitəsilə sahibkarlara təqdim edilən çevik və etibarlı maliyyə həlləri ölkənin iqtisadi inkişafına, qeyri-neft sektorunun güclənməsinə və rəqabət qabiliyyətinin artırılmasına mühüm töhfə verir.**