Kanada və Çin ABŞ mallarına əlavə gömrük rüsumlarını açıqlayıb

Kanada və Çin ABŞ mallarına əlavə gömrük rüsumlarını açıqlayıb

Kanada ABŞ mallarına 25% rüsum tətbiq edəcək. Çin isə ABŞ-ın kənd təsərrüfatı məhsullarına 10-15% əlavə gömrük rüsumları tətbiq edəcək.

Kanada və Çin ABŞ mallarına əlavə gömrük rüsumlarını açıqlayıb

ABŞ Prezident Donald Tramp çərşənbə axşamı rəsmi Vaşinqtonun Kanada və Meksikaya 25% gömrük rüsumu (tarif) tətbiq edəcəyini və Çindən idxala tətbiq edilən rüsumları 20%-ə qaldıracağını təsdiqlədikdən sonra, Kanada rəsmiləri ABŞ mallarına tarifləri açıqlayıb.

"Kanada bu əsassız qərarın cavabsız qalmasına imkan verməyəcək" - deyə baş nazir Castin Trudeau martın 3-də bildirib.

VTB-də minimal faiz dərəcəsi ilə nağd kredit 10.49%-dən

Birinci mərhələdə Kanada 4 mart tarixindən etibarən təxminən 20,6 milyard dollar dəyərində Amerka mallarına 25% rüsum tətbiq edəcək. Üç həftə sonra başlayacaq ikinci mərhələdə avtomobil, yük maşınları, polad və alüminium da daxil olmaqla 86,28 dollarlıq Amerika mallarına eyni tariflər tətbiq ediləcək.

"Bizim tariflərimiz ABŞ-ın ticarət sanksiyaları qaldırılana qədər qüvvədə qalacaq" - Kanadanın baş naziri deyib.

Çinin Maliyyə Nazirliyinin məlumatına görə, martın 10-dan Çin ABŞ-dan idxal olunan kənd təsərrüfatı məhsullarına 10-15% əlavə gömrük rüsumları tətbiq edəcək. Bundan əlavə, ölkənin Ticarət Nazirliyi 15 ABŞ şirkətini ixraca nəzarət siyahısına əlavə edib.

Meksika prezidenti Klaudiya Şeynbaum da tariflərə cavab verəcəyini vəd edib: "Bizim B, C, D planımız var".

Kanada, Meksika və Çinə tariflər qüvvədədir

ABŞ prezidenti Donald Trampın “razılaşma üçün yer qalmadığını” bildirərək tətbiq ediləcəyini açıqladığı Kanada, Meksika və Çinə qarşı yeni tariflər bu səhər qüvvəyə minib. Müvafiq olaraq, Kanada və Meksikadan idxal edilən məhsullara 25 faiz, Kanadadan enerji idxalına isə 10 faiz rüsum tətbiq ediləcək.

Eyni zamanda, ABŞ qeyri-qanuni fentanil axınının qarşısını almaq üçün “kifayət qədər addımlar atmadığını” bildirərək Çinə tarifləri iki dəfə artıraraq 20 faizə çatdırıb. Tramp kənd təsərrüfatı məhsullarına tətbiq edilən tariflərin aprelin 2-dən qüvvəyə minəcəyini deyib, lakin təfərrüatları açıqlamayıb.

04.03.2025 12:37