Azərbaycan Rusiya vətəndaşları üçün elektron kalkulyator istifadəyə verdi

Azərbaycan Rusiya vətəndaşları üçün elektron kalkulyator istifadəyə verdi

Azərbaycan Rusiya vətəndaşları üçün elektron kalkulyator istifadəyə verdi

Azərbaycana səfər edən Rusiya vətəndaşları üçün “Müvəqqəti olma müddətini yoxla” adlı elektron kalkulyator istifadəyə verilib

Bu barədə Marja.az-a Dövlət Miqrasiya Xidmətindən bildirilirb.

VTB-də minimal faiz dərəcəsi ilə nağd kredit 9.9%-dən

Məlum olduğu kimi, 1 yanvar 2025-ci il tarixindən viza tələb olunmayan qaydada Azərbaycan Respublikasına gələn Rusiya Federasiyası vətəndaşlarının və Rusiya Federasiyasında daimi yaşayan vətəndaşlığı olmayan şəxslərin ölkədə müvəqqəti olma müddəti bir təqvim ili ərzində 90 gün müəyyən edilib.

Qanunvericiliyin tələblərinə əməl edilməsinin, eyni zamanda Rusiya Federasiyası vətəndaşlarının ölkəyə səfərlərinin planlaşdırılmasında rahatlığın təmin edilməsi məqsədilə Dövlət Miqrasiya Xidməti tərəfindən bir təqvim ili ərzində ölkədə istifadə edilməmiş müvəqqəti olma müddətinin hesablanması üçün Xidmətin rəsmi internet informasiya ehtiyatında “Müvəqqəti olma müddətini yoxla” adlı elektron kalkulyator istifadəyə verilib.

Təqdim edilən elektron yenilik vasitəsilə Azərbaycana viza tələb olunmayan qaydada səfər edən Rusiya Federasiyası vətəndaşları cari təqvim ili ərzində ölkə ərazisində istifadə edilməmiş müvəqqəti olma müddətlərini onlayn qaydada yoxlaya biləcəklər.

Bunun üçün Xidmətin rəsmi internet informasiya ehtiyatında “Müvəqqəti olma müddətini yoxla” bölməsinə keçid edilərək açılan pəncərədə cari təqvim ili ərzində şəxsin ölkəyə giriş-çıxış tarixlərini (ardıcıl olaraq) əlavə etmək tələb edilir. Sorğu göndərildikdən sonra cari təqvim ili ərzində ölkə ərazisində istifadə edilməmiş müvəqqəti olma müddətinin günlərinin sayı real vaxt rejimində istifadəçilərə təqdim olunur.

“Müvəqqəti olma müddətini yoxla” bölməsi ilə linkdə tanış ola bilərsiniz:

https://www.migration.gov.az/az/calculator

https://www.migration.gov.az/ru/calculator

https://www.migration.gov.az/en/calculator

14.02.2025 12:18