Honda və Nissan birləşmə danışıqlarını rəsmən dayandırdılar

Honda və Nissan birləşmə danışıqlarını rəsmən dayandırdılar

Yaponiyanın avtomobil nəhəngləri Honda və Nissan, nəzəri cəhətdən dünyanın ən böyük avtomobil istehsalçılarından birini yarada biləcək tərəfdaşlığa son qoyaraq birləşmə danışıqlarını rəsmən dayandırdılar.

Honda və Nissan birləşmə danışıqlarını rəsmən dayandırdılar

Yaponiyanın avtomobil nəhəngi Honda Motor Co. və Nissan Motor Co. birləşmək üçün danışıqlarını dayandırdıqlarını açıqlayıblar.

Marja.az xəbər verir ki, hər iki markanı bir holdinq şirkəti altında birləşdirmək planları iflasa uğrasa da, iki şirkət Mitsubishi Motors ilə strateji tərəfdaşlıqlarını davam etdirəcəklərini və akkumulyatorların, avtonom idarəetmənin, proqram təminatının və elektrikli avtomobil texnologiyalarının daxili inkişafı sahəsində əməkdaşlıq edəcəklərini bildiriblər.

Uğursuz sövdələşmənin maliyyə yardımına daha çox ehtiyacı olan Nissan üçün ağır nəticələri olacağı gözlənilir. Honda-nın üçüncü rüb nəticələri proqnozları doğruldub və şirkət illik mənfəət proqnozunu sabit saxlayıb.

Honda-nın dekabrın 31-də başa çatan üç aylıq dövrdə əməliyyat mənfəəti 397 milyard yen (2,6 milyard dollar) təşkil edib, çünki ABŞ-dakı bərpa Yaponiya, Çin və Cənub-Şərqi Asiyadakı ləng satışları kompensasiya edib.

Honda və Nissan arasında mümkün birləşmə xəbərlərinin ortaya çıxmasından təxminən üç ay keçir. Müqavilənin, Yaponiyanın avtomobil sənayesini iki yerə bölməsi, birləşmə nəticəsində yaranacaq yeni şirkəti Toyota Motor və digər avtomobil şirkətlərinə qarşı qoyması gözlənilirdi.

Qeyd edək ki, ənənəvi avtomobil brendləri Çindən gələn elektrik və hibrid avtomobil dalğası ilə rəqabət aparmaqda çətinlik çəkirlər. Bu səbəbdən birləşmək çıxış yollarından biri hesab olunur.

Bir müddət əvvəl, Reuters mənbələrə istinadən xəbər verib ki, Nissan-ın baş direktoru Honda-nın icraçı direktoruna birləşmə danışıqlarını dayandırmaq niyyəti barədə məlumat verib. Agentliyin məlumatına görə, yapon avtomobil istehsalçıları arasında danışıqlar onunla çətinləşib ki, Honda Nissan-ı özünün törəmə şirkəti kimi görmək istəyir, Nissan isə bərabər şərtlərlə sövdələşməyə can atır.

13.02.2025 12:15

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az