Trampdan "DeepSeek" açıqlaması - Amerika sənayesi üçün “oyanış zəngi” olmalıdır

Trampdan "DeepSeek" açıqlaması - Amerika sənayesi üçün “oyanış zəngi” olmalıdır

Trampdan "DeepSeek" açıqlaması - Amerika sənayesi üçün “oyanış zəngi” olmalıdır

ABŞ prezidenti Donald Tramp da Çin startapı DeepSeek-in süni intellekt modeli haqqında da danışıb.

Marja.az xəbər verir ki, Tramp, Çində yerləşən DeepSeek startap şirkəti tərəfindən buraxılan ən son süni intellekt modelinə müsbət baxdığını və bunun Amerika sənayesi üçün “oyanış zəngi” olması lazım olduğunu bildirib.

VTB-də yüksək depozit faizləri daha çox qazandırır

Son bir neçə gündə Çin şirkətinin daha sürətli və çox daha sərfəli bir süni zəka modeli inkişaf etdirdiyi barədə oxuduğunu qeyd edən Tramp, “Bu yaxşı bir şeydir, çünki o qədər pul xərcləmək lazım deyil" deyib.

Bunu müsbət və dəyərli bir şey olaraq gördüyünü vurğulayan Tramp, “Əgər bu doğrudursa və mən bunu müsbət bir şey kimi görürəm. Ssiz də bunu edəcəksiniz. Bir Çin şirkətinin DeepSeek-i işə salması sənayelərimiz üçün oyanış zəngi olmalıdır ki, qalib gəlmək üçün rəqabət aparmağa diqqət yetirməliyik",- deyib.

Çindəki "High-Flyer Capital Management" fondu tərəfindən dəstəklənən "DeepSeek", digər süni intellekt şirkətləri ilə müqayisədə aşağı qiymətə və az sayda çipdən istifadə edərək hazırladığı yeni açıq mənbə modeli "DeepSeek-R1"i yanvarın 20-də təqdim edib. Qısa müddətdə bütün dünyada intensiv şəkildə istifadə olunmağa başlayan süni intellekt modeli ABŞ-da yerləşən "ChatGPT"ni geridə qoyaraq tətbiq mağazalarında ən çox yüklənən süni intellekt tətbiqi olub.

Çin şirkətinin ucuz qiymətə süni intellekt modelinin bazara çıxarması Qərb şirkətlərinin, xüsusən də ABŞ-ın sektorda hökmranlığına və bu sahədə etdikləri böyük xərclərə dair şübhələri artırıb və qlobal bazarlarda texnologiya şirkətlərinin səhmlərində satış təzyiqinə səbəb olub.

28.01.2025 09:28

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az