Hyundai-ın əməliyyat mənfəəti 17 faiz azalıb
Cənubi Koreyanın Hyundai Motor şirkəti dördüncü rübdə əməliyyat mənfəətinin 17% azaldığını bildirib.
Cənubi Koreyanın avtomobil istehsalçısı Hyundai Motor, yavaşlayan avtomobil bazarında artan reklam xərcləri səbəbiylə 4-cü rübdə əməliyyat mənfəətində 17% azalma baş verdiyini açıqlayıb. Bu azalma analitiklərin gözləntilərindən aşağı olub.
Marja.az xəbər verir ki, Kia ilə birlikdə dünyanın üçüncü ən böyük avtomobil istehsalçısı olan Hyundai, 2024-cü ilin oktyabr-dekabr ayları üzrə 2,8 trilyon von (1,95 milyard dollar) əməliyyat mənfəəti açıqlayıb. Bu rəqəm əvvəlki ilin eyni dövründəki 3,4 trilyon von mənfəətlə müqayisədə azalıb.
Buna baxmayaraq, məlumatdan sonra Hyundai səhmləri 1,4 faiz dəyər qazanıb. Çünki fakt analitiklərin proqnozundan aşağı olub.
Rüb ərzində Hyundai-ın qlobal satışları ABŞ və Hindistanda güclü performansa baxmayaraq, Cənubi Koreya, Avropa və Çində ləng tələbat səbəbindən azalıb. Analitiklərin fikrincə, yerli valyutanın (vonun) ABŞ dollarına nisbətdə ucuzlaşamsı Hyundai-nin milli valyutada gəlirlərini artırıb, eyni zamanda xarici borc və bununla bağlı maliyyə xərclərinin artmasına səbəb olub. Bu vəziyyət gəlirliyə mənfi təsir göstərib.
Hyundai Kia ilə birlikdə 2025-ci il satış artımının zəifləyən avtomobil tələbi və artan rəqabət səbəbiylə iki dəfə azalacağını gözləyir. Avtomobil istehsalçısı 2025-ci ildə gəlirinin 2024-cü ildəki 7,7% artıma qarşı, 3%-4% artacağını proqnozlaşdırır.
"Bu il biznes qeyri-müəyyənlikləri artır", deyən Hyundai, əsas bazarlardakı yavaşlama, elektriklə işləyən avtomobillərə tələbin yavaşlaması və makroiqtisadi dəyişkənliyi əsas gətirir.
ABŞ prezidenti Donald Trampın bu həftə fevralın 1-dən Kanada və Meksikaya 25% idxal rüsumları tətbiq edə biləcəyini deyib. Bu, Dünyanın ikinci ən böyük avtomobil bazarı olan ABŞ-da tələbi azaltmaqla təhdid edən siyasət qeyri-müəyyənliyidir.
Tramp həmçinin bildirib ki, o, elektrikli avtomobillərin alışı üçün vergi güzəştlərini ləğv etməyi nəzərdən keçirəcək.
Şimali Amerika və Cənubi Koreya Hyundai və Kia üçün ən böyük iki bazardır.
Əməliyyat mənfəəti gəlir hesabatının mühüm maddəsidir. İnvestorları xalis mənfəət və zərərdən daha çox əməliyyat mənfəəti maraqlandırır. Çünki şirkətin dəyəri onun əməliyyat mənfəəti ilə müəyyən edilir. Məsələn, dünya üzrə sənaye şirkətləri satıldıqda şirkətin illik əməliyyat mənfəəti 10-a vurulur və şirkətin dəyəri alınır.
Qeyd edək ki, Hyundai Motor Company (Hyundai Motor) 2024-cü ildə 4 milyon 141 min 791 ədəd avtomobil satıb, bu da 2023-cü illə müqayisədə 1,8 faiz azdır. Keçən il ərzində şirkət Koreyadan kənarda 3 milyon 436 min 781 avtomobil sataraq, illik müqayisədə demək olar dəyişməyib, Koreyada satışlar isə əvvəlki ilə nisbətən 7,5 faiz azalaraq 705 min 10 ədədə düşüb.
2025-ci ildə Hyundai Motor, Genesis lüks markası da daxil olmaqla, 4,17 milyon ədəd qlobal satışa nail olmağı hədəfləyir.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri
SON XƏBƏRLƏR
- 2 ay sonra
-
4 gün sonra
Şüşə vitrinlərinizi çöl görüntüsünü pozmadan reklam sahəsinə çevirin!
-
4 saat əvvəl
Tarixdə 4 trilyon dollarlıq bazar dəyərinə çatan ilk şirkət oldu
-
- 5 saat əvvəl
-
6 saat əvvəl
Birinci Özbəkistan-Azərbaycan Parlamentlərarası Forumda panellər üzrə müzakirələr aparılıb
-
6 saat əvvəl
"Birkart BOKT" istiqraz buraxılışı yolu ilə 2 milyon manat cəlb edir
- 6 saat əvvəl
- 6 saat əvvəl
- 7 saat əvvəl
-
7 saat əvvəl
PKK 11 iyulda İraqın Süleymaniyyə şəhərində tərksilah olacaq
- 7 saat əvvəl
-
7 saat əvvəl
Prezident İlham Əliyev Birləşmiş Ərəb Əmirliklərində işgüzar səfərdədir
Son Xəbərlər

Tarixdə 4 trilyon dollarlıq bazar dəyərinə çatan ilk şirkət oldu

Dolların sabah üçün rəsmi məzənnəsi müəyyən olunub

"Bank BTB"nin Müşahidə Şurasında dəyişiklik gözlənilir

Misin qiymətində rekord

"Kapital Bank"ın reytinqləri təsdiq edilib
Ən çox oxunanlar

Cəbrayılda transformator istehsalı müəssisəsi yaradılacaq - SƏNAYE PARKINDA YENİ ƏRƏB ŞİRKƏTİ

Azərbaycan auditorları haqsız rəqabətdən şikayət edir

Azərbaycanda ipoteka kreditlərinin 70 %-i dövlət xətti ilə verilib

Sabahın hava proqnozu açıqlandı - 38 dərəcəyədək isti olacaq

ABB-nin reytinqi tarixi maksimuma yüksəldi!
