Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Ötən həftənin əvvəlindən başlayan dolların artım tendensiyası dünən bir qədər səngiyib. Belə ki, EUR/USD valyuta cütlüyü dünən 2022-ci ilin oktyabr ayında bəri ən aşağı səviyyəyə qədər enib. Lakin, sonra korrektiv olaraq bahalaşıb. 1.0178 səviyyəsini test etdikdən sonra cütlük 1.0276 səviyyəsinə qədər yüksəlib. GBP/USD cütlüyü isə 2023-cü ilin oktyabr ayından bəri ilk dəfədir ki, 1.2098 həddinə qədər ucuzlaşıb.

Major valyutaların ucuzlaşması fonunda “güvənli liman” missiyası daşıyan qızılın dəyəri artır. Qiymətli metal 2657$ səviyyəsindən 2675$ səviyyəsinə qədər bahalaşıb. Neftin qiyməti isə Rusiyaya qarşı tətbiq olunan yeni sanksiyalar fonunda 80$-lıq dəstək həddinin üzərində qalmağda davam edir. Hal-hazırda “Brent” markalı neftin bir barreli 80.75$-a ticarət olunur.

Ağ Evin qabaqcıl süni intellekt çiplərinin ixracına yeni məhdudiyyətlər tətbiq etmək planlarını elan etdikdən sonra İT şirkətlərin səhmləri eniş tendensiyasında lider olublar. Belə ki, “Nvidia” səhmləri 2%, “Micron Technology” - 4.3%, “TSMC” isə 3.3% ucuzlaşıb. Eyni zamanda, “AMD” (+1.16%) və “Intel” (+0,37%) şirkətlərinin səhmləri müsbət dinamika nümayiş etdirib. “Amazon” səhmləri 0.2%, “Apple” 1.07%, “Microsoft” 0.41%, “Tesla” isə 2.14% bahalaşıb.

Dünən dərc olunan məlumatlara əsasən, Türkiyədə noyabr ayında Pərakəndə Satış Dövriyyəsinin Həcmi aylıq ifadədə 1.9%, illik ifadədə isə 16.4% artıb. Bugün isə investorlar Bakı vaxtı ilə saat 17:30-da ABŞ-da dərc olunacaq İstehsal Qiymətləri İndeksini diqqətlə izləyəcəklər. Həmçinin, Avropa İqtisadi Araşdırmalar Mərkəzinin (ZEW) hesabatı dərc olunacaq.

Məlumat İnvest-AZ İnvestisiya Şirkətinin analitikləri tərəfindən hazırlanıb.

14.01.2025 11:08