Rusiya Mərkəzi Bankı faiz qərarını açıqladı

Rusiya Mərkəzi Bankı faiz qərarını açıqladı

Rusiya Mərkəzi Bankı uçot dərəcəsini dəyişməyərək 21% səviyyəsində saxladı. Qərar əksər analitiklər üçün sürpriz oldu.

Rusiya Mərkəzi Bankı faiz qərarını açıqladı

Rusiya Mərkəzi Bankı faiz qərarını açıqlayıb.

Marja.az xəbər verir ki, Rusiya Mərkəzi Bankı əsas faiz dərəcəsini dəyişməyərək 21% səviyyəsində saxlayıb.

Marja.az xəbər verir ki, bazarlarda Rusiya Mərkəzi Bankının əsas faizini 2 bənd artıraraq 21%-dən 23%-ə yüksəldəcəyi gözlənilirdi.

İnflyasiyanın proqnoz trayektoriyasından kənara çıxması və əhalinin inflyasiya gözləntilərinin artması Rusiya Mərkəzi Bankının faiz artıracağı ehtimalını gücləndirmişdi.

Qeyd edək ki, Rusiya Mərkəzi Bankı oktyabrın 25-də keçirilən əvvəlki iclasda faiz dərəcəsini 21%-ə qaldırıb.

Rusiya Mərkəzi Bankı növbəti iclasında əsas faiz dərəcəsinin artırılmasının mümkünlüyünü qiymətləndirəcək.

“20 dekabr 2024-cü il tarixində Rusiya Mərkəzi Bankının İdarə Heyəti əsas faiz dərəcəsini illik 21% səviyyəsində saxlamağa qərar verdi. Buna pul siyasətindən asılı olmayan amillər kömək edib. Rusiya Mərkəzi Bankı növbəti iclasda əsas faiz dərəcəsinin artırılmasının məqsədəuyğunluğunu qiymətləndirəcək”.

Tənzimləyici vurğulayıb ki, “son borcalanlar üçün faiz dərəcələrinin əhəmiyyətli dərəcədə artması və kreditləşmə fəaliyyətinin soyuması dezinflyasiya prosesinin bərpası və inflyasiyanın hədəfə qaytarılması üçün zəruri ilkin şərait yaradır”.

Mərkəzi Bankın məlumatına görə, illik inflyasiya 2026-cı ildə 4%-ə düşəcək və bundan sonra da hədəfdə qalacaq.

Moskva birjasının məlumatlarına görə, rubl Mərkəzi Bankın əsas faiz dərəcəsini illik 21% səviyyəsində saxlamaq qərarına reaksiya verməyib.

20.12.2024 14:33