Avropa 2 dəfə faiz endiriminə hazırlaşır

Avropa 2 dəfə faiz endiriminə hazırlaşır

Bloomberg-ə danışan mənbələrə görə, Avropa Mərkəzi Bankı (AMB) son qərar olmasa da, yanvar və bəlkə də mart ayında faiz dərəcələrini azaltmağı planlaşdırır.

Avropa 2 dəfə faiz endiriminə hazırlaşır

Avro Bölgəsinin çətin vəziyyətə düşən iqtisadiyyatını canlandırmaq üçün ardıcıl dördüncü dəfə faiz dərəcələrini endirən Avropa Mərkəzi Bankı (AMB, ECB) yanvar və mart aylarında faiz dərəcələrini daha da azaltmağa hazırlaşır.

Marja xəbər verir ki, Bloomberg-ə danışan mənbələr bildirib ki, iqtisadiyyat cari gözləntilərə uyğun inkişaf edərsə, borclanma xərclərinin azaldılmasına mərhələli yanaşma ən uyğun yol olacaq.

Mənbələr fövqəladə hallarda bir seçim olaraq 0,50 bəndlik daha böyük endirimin masada qaldığını bildiriblər, lakin belə bir addımın arzuolunmaz təcililik hissi yaratmaq riski daşıdığını vurğulayıblar.

Hələlik yekun qərarın verilmədiyini və mart ayından sonra əldə edilən bütün məlumatlar əsasında hər görüşdə qiymətləndirmələrin aparılacağını bildirən mənbələr, Donald Trampın yanvar ayında yenidən vəzifəyə başlamasından sonra siyasətlərinin daha aydın görünməsi ilə bağlı seçimlərin dəyişə biləcəyini vurğulayıblar.

Dünən Avropa Mərkəzi Bankının (AMB. ECB) faiz qərarını açıqlayıb. Gözlənildiyi kimi, ECB bençmark faiz dərəcəsini (depozit faizini) 0,25 faiz bəndi də azaldaraq 3 faizə endirib. Beləliklə, bank ilin dördüncü faiz endirimini edib. İqtisadçıların da gözləntisi depozit faizinin 3 faizə endirilməsi idi. Bank əsas yenidən maliyyələşdirmə dərəcəsini 3,40 faizdən 3,15 faizə, marjinal maliyyələşdirmə faizini isə 3,65 faizdən 3,40 faizə endirib.

13.12.2024 14:15