(®) Bugün Bakı vaxtı ilə saat 17:30-da açıqlanacaq Amerikanın əmək bazarı ilə bağlı fundamental göstəriciləri dünya valyuta birjalarında güclü dalğalanmalara səbəb ola bilər.  

Qeyd edilən önəmli məlumatlardan yararlanaraq, qiymət dəyişikliklərini gəlirə çevirə bilərsiniz. 

TİCARƏT HESABI AÇIN

ÜMUMİ MƏLUMAT

Hər ayın ilk həftəsi olduğu kimi bu ayın da ilk həftəsinin cümə günü ABŞ-dan vacib iqtisadi göstəricilər açıqlanacaq. Dünyanın ən böyük iqtisadiyyatına sahib ABŞ ilə bağlı göstəricilər bazar iştirakçıları tərəfindən hər ay böyük maraqla gözlənilir. Söhbət təbii ki, işsizlik səviyyəsi, qeyri-kənd təsərrüfatında məşğulluq (ing. NFP) və əmək haqqlarının artım göstəricilərindən gedir.

NƏ GÖZLƏNİLİR?

FED-in monetar siyasətdə izlədiyi yol xəritəsində əsas həlledici meyarlardan olan əmək bazarına dair statistik göstəricilərə baxdıqda ABŞ-da ötən ay ilə müqayisədə həm yeni yaranan işyerlərinin, həm də işsizlik səviyyəsinin artması proqnozlaşdırılır. Belə ki, ötən ay məşğulluğun 12000 nəfər artdığı açıqlanmışdısa, bugün açıqlanacaq göstəricinin 202000 olacağı ehtimal olunur. Qeyri-kənd təsərrüfatında yeni açılacaq işyerlərinin sayının baza həddi hesab edilən 200000-nin üzərindəki mövqeyini qoruya bilməsi ehtimalı ölkə iqtisadiyyatı üçün müsbət hal kimi qarşılana bilər. İşsizlik səviyyəsinin isə əvvəlki ayla müqayisədə artacağı proqnozlaşdırılır. Bu da investorlar tərəfindən ümumilikdə ABŞ iqtisadiyyatı üçün mənfi hal kimi dəyərləndirilə bilər. Qeyd edək ki, oktyabr ayı üçün bu göstərici 4.1% açıqlanmışdı. Noyabr ayında isə işsizlik səviyyəsinin 4.2% olaraq açıqlanacağı ehtimal edilir. Orta saatlıq əmək haqlarının aylıq müqayisədə 0.1% azalaraq 0.4%-dən 0.3%-ə enəcəyi ehtimal olunur. İllik müqayisədə isə orta saatlıq əmək haqlarının 4.0% olaraq dərc olunacağı proqnozlaşdırılır. Qeyd edək ki, ötən ay da illik müqayisədə əmək haqlarındakı artım 4.0% olaraq açıqlanmışdı. Əmək haqlarında artım dinamikasının zəifləməsi, FED-in inflyasiya hədəflərinə çatması üçün monetar siyasətlə bağlı qərarlarına da təsir göstərə bilər. Xatırladaq ki, FED-in sonuncu dəfə noyabr ayının 7-də faiz dərəcələrini 0.25% endirib. Hazırkı iqtisadi reallıqlar nəzərə alınaraq analitiklər FED-in dekabr toplantısında da uçot dərəcələrini azaldacağını proqnozlaşdırırlar.

BİRJALARA TƏSİRİ

Göstəricilərin faiz qərarına ciddi təsiri imkanlarını nəzərə alaraq, ABŞ-da tam məşğulluğun təmin edildiyi 2019-cu ilə nəzərən hazırki dövrdə bazar məşğulluqla bağlı göstəricilərə qarşı daha həssas davranır. İqtisadiyyatda inkişafın və sabitliyin yenidən bərpa olması və yüksək inflyasiya ilə mübarizədə FED-ə daha geniş imkanlar yaratması, bu göstəricilərin hansı istiqamətdə dəyişəcəyindən asılıdır. Bu səbəbdən iqtisadi göstəricilərin açıqlanması zamanı dolların digər valyutalar üzrə məzənnəsində, eləcə də qızıl və neft qiymətlərində ani dalğalanmalar baş verə bilər.

Belə ani dalğalanmalar qısa zamanda yüksək gəlirlilik imkanı yaratdığı kimi mövcud əməliyyatlarda risklərin də artmasına səbəb olur. Bakı vaxtı ilə 17:30-da açıqlanacaq məlumatlar öncəsi əməliyatlar üçün risk səviyyələri müəyyənləşdirilməli və dözümlülüyün təmin edilməsi məsləhət görülür.

Risk bildirişi: Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “InvestAZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

TİCARƏT HESABI AÇIN

"Invest-AZ İnvestisiya Şirkəti" QSC (VÖEN: 1800354501, ) Xətai rayonunu, Fəzail Bayramov küçəsi 28F, InvestAZ Plaza; ; melumat@investaz.az Lisenziya : İnvestisiya şirkəti fəaliyyəti. Lisenziya Nömrəsi : 087986 Qeydiyyat Tarixi : 09.01.2016 Lisenziyanı Verən Orqan : İqtisadiyyat Nazirliyi. Lisenziyanın Müddəti : Müddətsiz.