General Motors Çin bazarında 5 milyard dollar zərər edib

General Motors Çin bazarında 5 milyard dollar zərər edib

General Motors Çin bazarında 5 milyard dollar zərər edib

General Motors (GM) Çində satışları zəiflədiyi üçün 5 milyard dollardan çox zərər edəcəyini açıqlayıb.

Marja.az xəbər verir ki, Şirkət Çində avtomobil satışlarının kəskin azalması və artan yerli rəqabətin təzyiqi altında əməliyyatlarını yenidən quracaq (restrukturizasiya edəcək).

Son illərdə GM bazar payını elektrik və hibrid avtomobillərə böyük sərmayə yatıran Çin istehsalçılarına itirib. Elektrikli və hibrid avtomobillər Çində satılan bütün avtomobillərin yarıdan çoxunu təşkil edir.

GM, dördüncü rübdə 2,6 milyard dollardan 2,9 milyard dollara qədər zərərin Çindəki birgə müəssisə investisiyasının balans hesabatında dəyərsizləşməsini əks etdirəcəyini açıqlayıb. Həmçinin Şirkət bildirib ki, daha 2,7 milyard dollar birgə müəssisənin restrukturizasiyası xərclərinə yönəldiləcək ki, bunun da böyük hissəsi dördüncü rübdə ödəniləcək.

2023-cü ilin ilk doqquz ayında GM Çindəki əməliyyatlarında 347 milyon dollar zərər etmişdi. Bu dövrdə satışlar 20 faizə yaxın, bazar payı isə 8,6 faizdən 6,8 faizə düşmüşdü. 2015-ci ildə GM-in Çindəki bazar payı 15 faizdən çox idi.

GM, Çindəki əməliyyatlarının qısa müddətdə bərpa olunacağını gözləmədiyini bildirib. Şirkətin bəyanatında, “Biz əsas diqqəti kapitalın səmərəliliyinə və xərc intizamına yönəldirik. Çindəki birgə müəssisəmizlə birlikdə biznesimizin davamlı və gəlirli olması üçün çalışırıq. Biz 2025-ci ilin nəticələrinin illik əsasda yaxşılaşma göstərəcəyini gözləyirik."

GM-in Çindəki çətinlikləri dünyanın ən böyük avtomobil bazarı olan ölkədəki ümumi tendensiyanı əks etdirir. BYD və Geely kimi iddialı Çin avtomobil şirkətləri GM kimi Amerika şirkətlərinin, eləcə də Avropa, Yaponiya və Cənubi Koreya avtomobil istehsalçılarının bazar payını yeni modellər təqdim edərək və qiymətləri aşağı salmaqla azaldır. Bundan əlavə, bu Çin istehsalçıları getdikcə daha çox Asiya, Avropa və Latın Amerikası kimi digər bazarlara avtomobil ixrac edirlər.

05.12.2024 09:33

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az