Treyderlər ABŞ dollarının bahalaşacağı ilə bağlı mərcləri kəskin şəkildə artırıblar

Treyderlər ABŞ dollarının bahalaşacağı ilə bağlı mərcləri kəskin şəkildə artırıblar

Treyderlər ABŞ dollarının bahalaşacağı ilə bağlı mərcləri kəskin şəkildə artırıblar

"Bloomberg" agentliyi "JPMorgan Chase" bankının məlumatlarına istinadən xəbər verir ki, treyderlər ABŞ seçkiləri ərəfəsində dolların bahalaşacağını mərc etdikləri üçün oktyabrın 14-dən 20-dək olan həftə ərzində dollara tələb kəskin artıb.

Marja.az məlumata istinadən xəbər verir ki, opsion bazarında ən yüksək məzənnələr Amerika dollarının Sinqapur və Avstraliya dollarlarına nisbətdə artımında müşahidə olunub. "Bloomberg" yazır ki, bu, treyderlərin Çinə bağlı valyutalar ilə əlaqədar riskləri hedcinq etdiklərinə işarədir. Meksika pesosu və avroya qarşı dolların alınmasına da güclü tələbat olub.

VTB-də minimal faiz dərəcəsi ilə nağd kredit 9.9%-dən

ABŞ-da seçkilər ərəfəsində treyderlər dollar üzrə uzun mövqelərini artırır və qısa mövqelərini bağlayırlar. ABŞ Əmtəə Fyuçers Ticarət Komissiyasının (CFTC) məlumatına görə, treyderlər iyulda toplanmış dollar üzrə xalis qısa mövqedən demək olar ki, tamamilə xilas olublar.

Həmçinin "JPMorgan" avronun məzənnəsinin aşağı düşməsi ilə bağlı mərclərin artdığını qeyd edib, bəzi sövdələşmələr avronun dollara nisbətdə paritetə (1 avro=1 dollar) düşməsini nəzərdə tutur.

Prezidentliyə namizəd Donald Tramp seçkilərdə qalib gələcəyi təqdirdə ABŞ-a idxal olunan Avropa mallarına rüsumları artıracağını vəd etdiyi üçün avronun paritetə düşməsi ehtimalı artır. "JPMorgan"ın ekspertlərinə görə, bu, EUR/USD cütlüyünün düşməsi ilə bağlı mərclərin daha da artmasına şərait yaradır.

Haırda EUR/USD məzənnəsi 1.08 səviyyələrindədir.

22.10.2024 10:36