Bakıda əlilliyi olan şəxslərin çalışdığı ilk inklüziv kafe – “Kaşalata” fəaliyyətə başladı

Bakıda əlilliyi olan şəxslərin çalışdığı ilk inklüziv kafe – “Kaşalata” fəaliyyətə başladı

Dövlət və özəl qurumların dəstəyi ilə ərsəyə gəlmiş “Kaşalata” kafesində qayğıya ehtiyacı olan şəxslərin məşğulluğu təmin ediləcək.

Bakıda əlilliyi olan şəxslərin çalışdığı ilk inklüziv kafe – “Kaşalata” fəaliyyətə başladı

Bakıda əlilliyi olan şəxslərin də çalışdığı ilk inklüziv kafe – “Kaşalata” kafe fəaliyyətə başlayıb.

"Marja" xəbər verir ki, kafenin açılışında əmək və əhalinin sosial müdafiəsi naziri Sahil Babayev, gənclər və idman naziri Fərid Qayıbov, Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov, dövlət və özəl sektorun nümayəndələri iştirak ediblər.

Qonaqlar kafedə yaradılmış şərait və iş mühiti ilə tanış olub, burada məşğulluğu təmin edilmiş əlilliyi olan şəxsləri yeni işləri münasibətilə təbrik ediblər.

Nazir S.Babayev həssas qrupların cəmiyyətdə bərabər imkanlara sahib olmasının və onlar üçün inklüziv imkanların yaradılmasının ölkəmizdə aparılan sosial siyasətin prioritet istiqamətlərindən olduğunu bildirib.

“Kaşalata” kafenin də əlilliyi olan şəxslərin cəmiyyətə inteqrasiyasında mühüm rol oynayacağından əminliyi ifadə edib.

Qeyd edək ki, “Birgə və Sağlam” İB-nin təşəbbüsü ilə təsis edilən “Kaşalata” kafe əlilliyi olan gənclərin inklüziv mühitdə məşğulluğuna dəstək olmaq və onların cəmiyyətə inteqrasiyasını təşviq etmək məqsədi daşıyır.

Ü.Hacıbəyli küçəsi 57 ünvanında yerləşən kafedə ümumilikdə 20 gəncin məşğulluğu təmin olunub ki, onlardan 10 nəfəri əlilliyi olan gənclərdir.

Kafenin yaradılmasında Əmək və Əhalinin Sosial Müdafiəsi Nazirliyi, KOBİA, SOCAR, “Pasha Holding” və “Trendyol Azərbaycan” tərəfindən dəstək göstərilib.