Azərbaycanda qızıl hasilatı ilə məşğul olan şirkət bu il 2 milyon dollara yaxın zərər edib

Azərbaycanda qızıl hasilatı ilə məşğul olan şirkət bu il 2 milyon dollara yaxın zərər edib

Azərbaycanda qızıl hasilatı ilə məşğul olan şirkət bu il 2 milyon dollara yaxın zərər edib

Azərbaycanda qızıl, gümüş və mis hasilatı ilə məşğul olan Böyük Britaniyanın "Anglo-Asian Mining Plc." şirkəti 2024-cü ilin ilk yarısı üzrə maliyyə göstəricilərini açıqlayıb.

Mədən şirkətinin gəlirləri 2024-cü ilin ilk yarısında 13,4 milyon dollar təşkil edib. Bu isə ötən ilin eyni dövrünə nisbətən 2,3 dəfə azdır. 2023-cü ilin birinci yarısında “Anglo Asian" 30,8 mln. ABŞ dolları gəlir əldə etmişdi.

VTB-də minimal faiz dərəcəsi ilə nağd kredit 9.9%-dən

AAM bu ilin yanvar-iyun aylarında 13,04 milyon dollar həcmində 6 min unsiya (bir unsiya üçün 2,174 ABŞ dolları ) külçə qızıl satışı həyata keçirib. Ötən ilin eyni dövründə şirkət 10,506 unsiya qızıl külçə (2023-cü ilin birinci yarısı: 1,939 dollar) satışı həyata keçirib. Başqa sözlə, qızıl qiymətinin artması həcmdəki azalmanı nisbətən kompensasiya edib. Mis konsentratının satışları isə 0,5 milyon dollara qədər azalıb(2023-cü ilin birinci yarısı: 10,4 milyon dollar)

Əməliyyat fəaliyyətindən əldə edilən xalis pul vəsaitləri son bir ildə 0,6 milyon ABŞ dollarından 3,2 milyon dollara yüksəlib. Bu dövrdə maliyyə xərcləri isə 0,7 milyon dollardan 1,2 milyon dollara yüksəlib.

Şirkət gələcək inkişaf üçün investisiyaları artırdığını açıqlayıb. Mədən işlənməsi və digər əsaslı xərclərə 6,3 milyon dollar yönəldilib. 30 iyun 2024-cü il tarixinə "Anglo Asian"ın xalis borcu isə 12 milyon dollara çatıb(31 dekabr 2023: 10,3 milyon ABŞ dolları).

AAM ümumilikdə bu ilk yarısı üzrə mənfəətdən zərərə keçib. Belə ki, şirkət ötən ilin ilk yarısında 5,6 milyon dollar xalis mənfəət əldə etdiyi halda bu ilin eyni dövründə 1,7 milyon zərər edib.

26.09.2024 16:54