Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Bugün ABŞ-da inflyasiyaya dair göstəricilərin dərc olunması ərəfəsində, dollara olan təzyiq artıb və o, major valyutalar qarşısında ucuzlaşıb.

Belə ki, ötən gün ərzində 1.1015 həddinə qədər ucuzlaşan EUR/USD cütlüyü, artım sərgiləyib və hal-hazırda 1.1047 həddində ticarət olunur. GBP/USD cütlüyündə də eyni mənzərənin şahidi oluruq. Məzənnə 1.3049 səviyyəsini test etdikdən sonra bahalaşmağa başlayıb və hal-hazırda 1.3100 səviyyəsində qərarlaşıb. USD/JPY cütlüyü isə 143.700 həddindən 140.870 həddinə qədər kəskin ucuzlaşıb.

VTB-də yüksək depozit faizləri daha çox qazandırır

Dünən Almaniyanın Federal Statistika Bürosu (Destatis), yekun hesablamaya görə, avqustun sonunda Almaniyada illik inflyasiyanın əvvəlki ay ilə müqayisədə 2.3%-dən 1.9%-ə qədər endiyini bildirib. Ölkədə aylıq ifadədə istehlak qiymətləri 0.1% azalıb və proqnozları təkrarlayıb.

Böyük Britaniyada işsizlik səviyyəsi aprel-iyun ayları ilə müqayisədə may-iyul aylarında 4.2% səviyyəsindən 4.1% səviyyəsinə qədər enib. Həmçinin, Birləşmiş Krallığda may-iyul aylarında ortalama əmək haqqının illik artımı bonuslar da daxil olmaqla 4%, bonuslar daxil olmadan 5.1% təşkil edib. Analitiklərin proqnozu 5.4% olub.

Bugün isə Böyük Britaniyada ölkə ÜDM-i, Ticarət Saldosu və Sənaye Sektorunda İstehsal Həcmi göstəriciləri aşıqlanacaq. Ekspertlərin proqnozlarına əsasən, ölkədə sənaye istehsalı 0.3%, ÜDM isə 0.2% artıb.

Çərşənbə günü Bakı vaxtı ilə saat 16:30-da ABŞ-da dərc olunacaq İstehlak Qiymətləri İndeksi göstəriciləri investorların diqqət mərkəzində olacaq əsas hadisədir. Analitiklərin proqnozlarına əsasən, avqust ayında illik inflyasiya 2.5%, aylıq isə 0.2% təşkil edib.

Məlumat İnvest-AZ İnvestisiya Şirkətinin analitikləri tərəfindən hazırlanıb.

11.09.2024 10:09

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az