İri bankın 30 milyon dollarlıq istiqrazlarına abunə yazılışı başladı - DOLLARA İLLİK 7 FAİZ GƏLİR TƏKLİFİ

İri bankın 30 milyon dollarlıq istiqrazlarına abunə yazılışı başladı - DOLLARA İLLİK 7 FAİZ GƏLİR TƏKLİFİ

"Kapital Bank” ASC-nin istiqrazlarının abunə yazılışı üsulu ilə yerləşdirilməsi baş tutacaqdır.

İri bankın 30 milyon dollarlıq istiqrazlarına abunə yazılışı başladı - DOLLARA İLLİK 7 FAİZ GƏLİR TƏKLİFİ

26 avqust 2024-cü il tarixində Bakı Fond Birjasının (BFB) Listinq Komitəsinin qərarı ilə "Kapital Bank” ASC-nin buraxılış həcmi 30 milyon ABŞ dolları olan istiqrazları premium bazar seqmentində listinqə daxil edilib.

Marja.az Birjaya istinadən xəbər verir ki, qeyd olunan istiqrazların yerləşdirilməsi Bakı Fond Birjasında abunə yazılışı üsulu ilə həyata keçiriləcəkdir.

26 avqust 2024-cü il tarixindən başlayaraq 24 sentyabr 2024-cü il tarixinə kimi 30 gün ərzində "Kapital Bank” ASC-nin istiqrazları üzrə abunə yazılışı baş tutacaqdır. İstiqrazlar üzrə yerləşdirmə 26 sentyabr 2024-cü il tarixində baş tutacaqdır.

İstiqrazlar subordinasiya borc şəklində, 7 illik tədavül müddətilə buraxılır.

Subordinasiya borc öhdəlikləri - emissiya şərtlərinə görə ödəmə vaxtı çatdıqda ödənilən, bankın aktivlərinin girovu ilə təmin edilməyən, mülkiyyətçisinin tələbi ilə geri alınmayan, bank ləğv edilərkən onların ödənilməsi əmanətçilərin və bankın digər kreditorlarının tələbləri tam ödənildikdən sonra icra olunan öhdəliklər.

İstiqrazlar üzrə məlumat aşağıdakı kimidir:

Emitentin adı: "Kapital Bank” ASC

Dövlət qeydiyyat nömrəsi – İSİN: AZ2013005155

İstiqrazın növü və forması: İstiqraz faizli, təmin edilməmiş sənədsiz adlı

İstiqrazın sayı: 300,000 (ədəd)

İlkin ticarət qiyməti: 100 ABŞ dolları

Buraxılış həcmi: 30,000,000 ABŞ dolları

İllik gəlirlilik faizi: 7%

Ödəmə Periodu: İldə günlərin sayı 360 (üç yüz altmış) olaraq götürülməklə hər 30 (otuz) təqvim gününün başa çatması tarixindən növbəti 3 (üç) iş günündən gec olmayaraq ödənilir

Tədavül müddəti: 7 il

Anderrayter: “PAŞA Kapital İ.Ş” QSC

Ticarətə buraxılma tarixi: 26.09.2024

Ticarət üsulu/forması: Kütləvi/Abunə yazılışı