Qırmızı, sarı və yaşıl zonada olan sığorta şirkətlərinin adları açıqlandı

Qırmızı, sarı və yaşıl zonada olan sığorta şirkətlərinin adları açıqlandı

Mərkəzi Bank "Avqust 2023 – İyul 2024-cü il tarixləri üzrə Avto-icbari sığorta üzrə şikayət indeksi"ni dərc edib.

Marja.az İndeksə istinadən xəbər verir ki, aşağı şikayət indeksində (yaşıl zona) “Atəşgah Sığorta” ASC, "Meqa Sığorta" ASC, "Qala Sığorta" ASC, "Azərbaycan Sənaye Sığorta" ASC, orta şikayət indeksində (sarı zona) “Paşa Sığorta” ASC, "AtaSığorta" ASC, yuxarı şikayət indeksində isə (qırmızı zona) "Bakı Sığorta" ASC və "Xalq Sığorta" ASC yer tutublar.

Avto-icbari sığorta üzrә şikayәt indeksi vәtәndaşların bu növ üzrә sığorta xidmәtlәrini әldә edәrkәn seçim etmәlәrinә dәstәk göstәrilmәsi mәqsәdilә hesablanılır vә yayımlanır. Şikayәt indeksinin hesablanmasında beynәlxalq sәviyyәdә istifadә olunan metodologiyaya әsaslanaraq avto-icbari sığorta növü üzrә lisenziyası aktiv olan sığorta şirkәtlәri ilә bağlı daxil olan şikayәtlәr nәzәrә alınmışdır. Eyni zamanda avto-icbari sığorta növünün aparılması üzrә verilәn icazәnin lәğv edilmәsi yolu ilә lisenziyasının qüvvәsi mәhdudlaşdırılmış vә lisenziyası lәğv olunmuş sığorta şirkәtlәri ilә bağlı şikayәtlәrin tәnzimlәnmәsi Mәrkәzi Bank tәrәfindәn әvvәlki qaydada davam etdirilir.

Şikayәt indeksinin metodologiyası: Müvafiq şikayәt indeksinin hesablanması üçün aşağıdakı düsturdan istifadә olunmuşdur:

Şikayәt indeksi = Şikayәtlәr üzrә bazar payı/ Bağlanan müqavilәlәr üzrә bazar payı

Şikayətlər üzrə bazar payı – müvafiq sığortaçı üzrә şikayәtlәrin ümumi şikayәtlәrә nisbәti,

Bağlanan müqavilələr üzrə bazar payı – müvafiq sığortaçı üzrә bağlanan müqavilәlәrin sayının ümumi müqavilәlәrin sayına nisbәti.

Şikayәt indeksinin izahı: İndeksin 1.00-dәn aşağı olması hәmin portfel üzrә xidmәt sәviyyәsinin digәr şirkәtlәrlә nisbәtdә yaxşı olduğunu, lakin 1.00-i üstәlәmәsi xidmәt sәviyyәsinin digәr şirkәtlәrә nәzәrәn aşağı olduğunu göstәrir.

13.08.2024 15:59

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az