“Azərkontrakt”ın xalis mənfəəti kəskin azalıb

“Azərkontrakt”ın xalis mənfəəti kəskin azalıb

“Azərkontrakt”ın xalis mənfəəti kəskin azalıb

“Azərkontrakt” ASC 2023-cü ili 41 milyon 703 min manat xalis mənfəət ilə başa vurub. Şirkət 2022-ci ili 148 milyon 104 min manat xalis mənfəət ilə bağlamışdı. Beləliklə, “Azərkontrakt”ın xalis mənfəəti 2023-cü ildə 2022-ci illə müqayisədə 106 milyon 401 min manat və ya 71,2% azalıb.

Marja.az “Azərkontrakt” ASC-nin 2023-cü il üzrə Maliyyə Hesabatlarına istinadən xəbər verir ki, “Azərkontrakt” təbii qazın satışından gəliri 2022-ci ildə 1 milyard 674 milyon 715 min manat ikən, 2023-cü ildə 1 milyard 520 milyon 829 min manata düşüb (153 milyon 886 min manat azalıb). Gəlirin azalmasına baxmayaraq Şirkətin əməliyyat xərclərinin cəmi məbləği düşməyib, 2022-ci ildə olduğu kimi 1,5 milyard manat səviyyəsində qalıb.

VTB-də yüksək depozit faizləri daha çox qazandırır

Ötən il “Azərkontrakt”ın satdığı 1 milyard 520 milyon 829 min manatlıq təbii qazın 1 milyard 383 milyon 597 min manataını və ya 91%-ni maya dəyəri təşkil edib.

Həmçinin, “Azərkontrakt” ASC ötən il təbii qazın nəqlindən 34 milyon 101 min manat (2022-ci ildə 34 milyon 774 min manat), faiz gəliri olaraq isə 2 milyon 768 min manat (2022-ci ildə 1 milyon 378 min mant) gəlirə əldə edib.

Qeyd edək ki, Azərbaycan Respublikası Nazirlər Kabinetinin 2020-ci il 28 dekabr tarixli 513 nömrəli Qərarı ilə Azərbaycan Respublikasında daxili bazarda təbii qazın 2021-ci il 1 yanvar tarixdən etibarən qaz istehsalçılarından satın alınması, onun nəqlinın, ölkədaxili paylayıcı və istehlakçılara satışının təşkil olunması “Azərkontrakt” ASC-yə həvalə edilmişdir.

26.07.2024 11:13

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az