Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Çərşənbə günü Avrozonada və ABŞ-da statistik məlumatların dərc olunması ərəfəsində səhər saatlarında dollar major valyutalar qarşısında bir qədər ucuzlaşıb. Lakin, dolların Yapon yeni qarşısında məzənnəsində kəskin ucuzlaşma müşahidə olunur. Belə ki, USDJPY valyuta cütlüyü son bir neçə saat ərzində 155.860 həddindən 154.360 həddinə kimi ucuzlaşıb və hal-hazırda 154.770 səviyyəsində ticarət olunur. Dollar indeksi 0.02% geriləyərək 104.43 bənd təşkil edib.

Qeyd etmək lazımdır ki, dolların dəyərinə ABŞ-dan gələn statistik məlumatlar təsir edə bilər. Gün ərzində ABŞ-ın Ticarət Departamentinin Siyahıyaalma Bürosu iyun ayında Yeni Mənzil Satışlarının Həcminə dair rəqəmləri açıqlayacaq. Proqnozlara əsasən, iyun ayında yeni mənzillərin satışı 619 mindən 639 minə qədər yüksəlib.

VTB-də minimal faiz dərəcəsi ilə nağd kredit 9.9%-dən

Bugün “GfK” tədqiqat şirkəti Almaniya iqtisadiyyatına İstehlakçı İnamı İndeksini dərc edəcək. Analitiklər proqnozlaşdırırlar ki, avqust ayında müvafiq indeks iyulda -21.8 bənddən -21.1 bəndə qədər geriləyə bilər.

Həmçinin gün ərzində Almaniyada, Avrozonada, Böyük Britaniyada və ABŞ-da açıqlanacaq Kompozit, Sənaye Sektorunda və Xidmət Sektorunda Biznes Aktivliyi İndeksi göstəriciləri investorların diqqət mərkəzində olacaq əsas hadisələrdir. Ekspertlər ABŞ-ın sənaye sektorunda PMI-ın 51.6 bənd səviyyəsindən 51.7 bənd səviyyəsinə qədər artacağını ehtimal edirlər.

Həmçinin analitiklər ehtimal edirlər ki, ABŞ-da kommersiya məqsədli neft ehtiyatları (strateji ehtiyat istisna olmaqla) iyulun 19-da başa çatan həftə ərzində 0.7 milyon barrel artaraq 440.9 milyon barrelə çatıb. Müvafiq məlumatlar çərşənbə günü Bakı vaxtı ilə saat 18:30-da ölkənin Energetika Nazirliyinin Enerji İnformasiya Departamentinin həftəlik icmalında dərc olunacaq.

Məlumat İnvest-AZ İnvestisiya Şirkətinin analitikləri tərəfindən hazırlanıb.

24.07.2024 10:30