Türkiyə Mərkəzi Bank bu gün faiz qərarını açıqlayacaq

Türkiyə Mərkəzi Bank bu gün faiz qərarını açıqlayacaq

Türkiyə Mərkəzi Bankı bu gün faiz qərarını açıqlayacaq. Bank əvvəlki iclasda dərəcəsini 50 faiz səviyyəsində sabit saxlamışdı. İqtisadçılar faizin bu ay 50 faiz səviyyəsində sabit qalacağına əmindirlər.

Türkiyə Mərkəzi Bank bu gün faiz qərarını açıqlayacaq

Türkiyə Cümhuriyyəti Mərkəzi Bankının (TCMB) Pul Siyasəti Komitəsi bu gün Mərkəzi Bankın sədri Fatih Karahanın sədrliyi ilə toplanacaq və Bakı vaxtı ilə saat 15.00-da faiz qərarı açıqlanacaq.

Marja xəbər verir ki, iclas Braziliyada keçiriləcək G20 Maliyyə nazirləri-Mərkəzi Bank rəhbərləri görüşü ilə əlaqədar olaraq 2 gün önə çəkilib.

VTB-də minimal faiz dərəcəsi ilə nağd kredit 9.9%-dən

TCMB ötən ay keçirilən iclasda pul siyasəti faizini 50 faiz səviyyəsində sabit saxlayıb. İqtisadçılar siyasət faizinin bu ay da 50 faiz səviyyəsində sabit qalacağına əmindirlər.

İlin sonuna qədər ilk faiz endirimi gözləntiləri davam edir.

Mərkəzi Bankın İdarə Heyəətinin ən mühüm mövzularından biri bazarda türk lirəsinin bahalaşması olacaq. Bildirilir ki, TCMB bazardakı izafi likvidliyin geri çəkilməsi üçün yeni addımlar ata bilər.

Bu məqamda faiz dəhlizi ilə bağlı qərarın verilə biləcəyi bildirilir.

Türkiyə üçün inflyasiya gözləntiləri azalmaqda davam edir. Bazar iştirakçılarının ilin sonuna inflyasiya proqnozu 43,52 faizdən 42,95 faizə düşüb. İyul ayı üçün proqnoz 2,41 faizdən 2,77 faizə yüksəlib.

Türkiyə vətəndaşlarının ilin sonuna inflyasiya proqnozu 90 faizdən yuxarıdır. TCMB-nin 2024-cü il üçün inflyasiya proqnozu 38 faiz olaraq müəyyən edilib. İyun ayında inflyasiya aylıq müqayisədə 1,64 faiz artıb. İllik inflyasiya 71,6 faiz təşkil edib.

Bakı vaxtı ilə saat 08:40-da ABŞ Dolları/Türk Liləri məzənnəsi 32,93 lirə səviyyəsində olub.

23.07.2024 08:46