SOCAR-ın İsveçrə və Türkiyədə gəliri kəskin azalıb

SOCAR-ın İsveçrə və Türkiyədə gəliri kəskin azalıb

SOCAR-ın İsveçrə və Türkiyədə gəliri kəskin azalıb

2023-cü ildə SOCAR-ın 85 milyard 201 milyon manat gəlirini hansı seqmentlər və ölkələrdə əldə etdiyi məlum olub.

Marja.az Şirkətin illik hesabatına istinadən xəbər verir ki, ötən il Şirkətin gəliri xam neftin satışı üzrə 48 milyard 923 milyon manat, neft məhsullarının satışı üzrə 18 milyard 990 milyon manat, təbii qazın satışı üzrə 9 milyard 581 milyon manat, neft-kimya məhsullarının satışı üzrə 4 milyard 649 milyon manat, kirayə gəliri 341 milyon manat, sair gəlirləri 2 milyard 717 milyon manat olub.

VTB-də minimal faiz dərəcəsi ilə nağd kredit 9.9%-dən

Ötən il SOCAR İsveçrədə 58 milyard 649 milyon manat (2022-də 77 milyard 647 milyon manat), Türkiyədə 8 milyard 795 milyon manat (2022-də 24 milyard 268 milyon manat), Azərbaycanda 8 milyard 233 milyon manat (2022-də 11 milyard 71 milyon manat), Birləşmiş Ərəb Əmirliklərində 5 milyard 676 milyon manat (1 milyard 897 milyon manat), Gürcüstanda 1 milyard 559 milyon manat (2022-də 1 milyard 625 milyon manat), digər ölkələrdə 2 milyard 289 milyon manat (2022-də 2 milyard 720 milyon manat) gəlir əldə edib.

Xəbər verdiyimiz kimi, SOCAR-ın əsas əməliyyat gəlirləri (neft, qaz və neft-kimya məhsullarnını satışından) 2022-ci ildə 119 milyard 228 milyon manat ikən, 2023-cü ildə 85 milyard 201 milyon manata düşüb (34 milyard 27 milyon manat və ya 28,5% azalıb).

SOCAR 2023-cü ili 2 milyard 73 milyon manat xalis mənfəət ilə başa vurub. Şirkət 2022-ci ili 9 milyard 424 milyon manat xalis mənfəət ilə bağlamışdı. Beləliklə, ötən il Azərbaycanın iri şirkətinin xalis mənfəəti 7 milyard 351 milyon manat və ya 4,5 dəfə azalıb.

ŞİRKƏT KİÇİLİB

Ötən il SOCAR-ın cəmi aktivləri 8 milyard 869 milyon manat və ya 11% azalaraq 71 milyard 966 milyon manata düşüb. Şirkət 2022-ci ilin sonunda 80 milyard 835 milyon manat cəmi aktivlətə malik idi.