Türkiyə Mərkəzi Bankı faiz qərarını açıqladı

Türkiyə Mərkəzi Bankı faiz qərarını açıqladı

Türkiyə Cümhuriyyəti Mərkəzi Bankı (TCMB) faiz qərarını açıqladı.

Marja.az xəbər verir ki, gözələnildiyi kimi TCMB faizini 50% səviyyəsində sabit saxladı.

Bazar iştirakçıları TCMB-nin iyun iclasında faizini dəyişməz olaraq 50% səviyyəsində saxlayacağını proqnozlaşdırırdılar.

TCMB-nin nə vaxt pul siyasətini yumşaltmağa başlayacağı sualı bazarın diqqət mərkəzindədir.

TCMB press-relizində deyilir:

"Aylıq inflyasiyanın əsas tendensiyasının zəifləməsi may ayında müvəqqəti fasilə ilə üzləşmişdir. Son göstəricilər daxili tələbin yavaşladığını təsdiqləyir.

Həmçinin, xidmət inflyasiyasının nisbətən yüksək olması, geosiyasi risklər və ərzaq qiymətləri inflyasiya təzyiqlərini canlı saxlayır. İdarə Heyəti inflyasiya pqroqnozlarının və qiymət davranışının proqnozlara uyğunluğunu yaxından izləyir.

Sərt pul siyasətinin kreditlərə və daxili tələbata təsiri diqqətlə izlənilir. İdarə Heyəti monetar sərtləşdirmənin gecikmiş təsirlərini nəzərə alaraq faiz dərəcəsini sabit saxlamaq qərarına gəlib və inflyasiya ilə bağlı yuxarı istiqamətli risklərə qarşı ehtiyatlı mövqeyini bir daha təkrarlamışdır.

Aylıq inflyasiyanın əsas tendensiyasında əhəmiyyətli və daimi azalma əldə olunana və inflyasiya gözləntiləri proqnoz diapazonuna yaxınlaşana qədər sərt pul siyasəti mövqeyi saxlanılacaq. İnflyasiyanın əhəmiyyətli və daimi pisləşməsi proqnozlaşdırılarsa, pul siyasəti mövqeyi sərtləşdiriləcək.

Pul siyasətində qətiyyətli mövqe, daxili tələbin tarazlaşdırılması, türk lirəsinin real bahalaşması və inflyasiya gözləntilərinin yaxşılaşması yolu ilə aylıq inflyasiyanın əsas tendensiyasını azaldacaq və ilin ikinci yarısında deinflyasiya bərqərar olacaq".

27.06.2024 15:01

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az