"Günün 24 saatı valyuta bazarlarına müdaxilə etməyə hazırıq" açıqlamasına baxmayaraq yen ucuzlaşır

"Günün 24 saatı valyuta bazarlarına müdaxilə etməyə hazırıq" açıqlamasına baxmayaraq yen ucuzlaşır

Yaponiya rəsmisi Masato Kanda, lazım gələrsə, 24 saat valyta bazarına müdaxilə etməyə hazır olduqlarını bildirib. Kandanın açıqlamasına baxmayaraq, yen dəyər itirməkdə davam edib.

"Günün 24 saatı valyuta bazarlarına müdaxilə etməyə hazırıq" açıqlamasına baxmayaraq yen ucuzlaşır

Yaponiyanın məzənnə siyasətindən məsul olan ən yüksək səviyyəli rəsmi, maliyyə nazirinin müavini Masato Kanda, lazım gələrsə, günün 24 saatı valyuta bazarlarına müdaxilə etməyə hazır olduqlarını söyləyib.

Marja.az xəbər verir ki, bu səhər Dollar/yen məzənnəsi psixoloji 160 səviyyəsinə yaxınlaşıb.

VTB-də yüksək depozit faizləri daha çox qazandırır

Kanda, “Məznədə dalğalanmalar olarsa, bu, ölkə iqtisadiyyatına mənfi təsir göstərə bilər. Spekulyasiyaya əsaslanan həddindən artıq hərəkətlər olarsa, biz müvafiq tədbirlər görməyə hazırıq" deyib.

Son günlərdəki itkilər tədricən olsa da, yen 29 aprel və 1 may tarixlərində, baş tutacağı proqnozlaşdırılan müdaxilələr zamanı əldə etdiyi qazancların əksəriyyətini artıq geri qaytarıb.

Analitiklər bildirir ki, Yaponiya Mərkəzi Bankının (BOJ) müdaxiləsinin növbəti raundu, dollar aprel ayının sonunda gördüyü 160.20 səviyyəsini keçərsə baş verəcək.

ABŞ-ın PMI məlumatlarının gözləniləndən daha güclü olması və BOJ-nin istiqraz alışlarını azaltmaq üçün təfərrüatlı bir plan təqdim etmək istəməməsi ötən həftə yenin dollar qarşısında dəyər itirməsinə səbəb olub.

Digər tərəfdən, Tokyo Financial Exchange Inc.-ın məlumatlara görə, Yaponiya pərakəndə investorları may ayından etibarən fyuçers müqavilələri vasitəsilə yen üzrə uzun mövqelərini artırıblar.

24.06.2024 10:06

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az