S&P: Azərbaycan qaz hasilatının pik həddinə yaxınlaşır

S&P: Azərbaycan qaz hasilatının pik həddinə yaxınlaşır

S&P: Azərbaycan qaz hasilatının pik həddinə yaxınlaşır

Azərbaycanın qaz hasilatı illik 35-36 milyard kubmetr civarında sabitləşib.

Bu barədə "S&P Global Ratings" beynəlxalq reytinq agentliyinin proqnozunda bildirilib.

Qeyd edilib ki, BP tərəfindən idarə olunan Şahdəniz II əsas qaz yatağında (yaylada təxminən 16 milyard kubmetr hasilat) hasilat başlandıqdan sonra 2018-ci ildən Azərbaycanın qaz hasilatı əhəmiyyətli dərəcədə artıb. Türkiyə və Avropaya qaz nəql edən iki əlaqəli boru kəməri 2019 və 2020-ci illərdə istismara verilib. 2023-cü ilin iyul ayında TotalEnergies və Azərbaycan Dövlət Neft Şirkətinin (ARDNŞ) birgə idarə etdiyi daha kiçik Abşeron qaz-kondensat yatağında (təxminən 1,5 milyard kubmetr) hasilat başlanıb. “Nəzərə alsaq ki, hasilat artımının böyük əksəriyyəti artıq baş verib, biz hesab edirik ki, Azərbaycan bir neçə il saxlanılacaq qaz hasilatının pik həddə çatmasına yaxınlaşır”- S&P əlavə edib.

XXX

Azərbaycanın neft hasilatı 2027-ci ilədək sutkada orta hesabla 650 min barel səviyyəsində qalacaq.

Bu barədə "S&P Global Ratings" beynəlxalq reytinq agentliyinin proqnozunda bildirilib.

Qeyd edilib ki, son illərdə Azəri-Çıraq-Günəşli kimi əsas neft yataqları köhnəlməkdə davam etdikcə hasilat sabit azalma tendensiyası nümayiş etdirir və 2019-cu ildəki sutkalıq 790 min bareldən 2023-cü ildə 650 min barelə enib.

“Bunun nəticəsidir ki, Azərbaycan OPEC+ tərəfindən ona ayrılan kvotadan aşağı hasilat həyata keçirir. Biz növbəti bir neçə ildə neft hasilatında müəyyən stabilləşməni gözləyirik, çünki bəzi yataqlarda davam edən azalma digərlərində kiçik tutum əlavələri ilə kompensasiya ediləcək. Uzunmüddətli dövrdə isə neft hasilatı azalmağa davam edəcək”- S&P əlavə edib.

“S&P Global Ratings” 2024-2027-ci illər üzrə Azərbaycanın iqtisadi artım proqnozunu müəyyən edib

2024-cü il üzrə real ümumdaxili məhsulda (ÜDM) artım proqnozu 1,5%-dən 2.5%-ə yüksəldilib.

S&P 2025-ci ildə ölkədə iqtisadi artımı 2%, ötən il açıqladığı 2026-2027-ci illərdə isə 1,5% proqnozlaşıdırıb.

Reytinq agentliyi həmçinin, 2024-cü il üzrə Azərbaycanda nominal ÜDM-in 76.08 milyard, 2025-ci üzrə 77 milyard, 2026-cı il üzrə 79 milyard, 2027-ci il üzrə isə 82 milyard ABŞ dolları həcmində proqnozlaşdırıb.