“Azercell Telekom” şirkəti ödəniş (danışıq) kartlarının nominalına uyğun olaraq istifadə müddətlərində dəyişiklik edir.

Marja.az xəbər verir ki, bu barədə “Azercell Telekom” şirkəti məlumat yayıb.

Qeyd edilib ki, “Azercell Telekom” MMC tərəfindən1 iyul 2024-cü il tarixindən etibarən, fakturasız (SimSim) xətt sisteminə aid nömrələr üçün nəzərdə tutulmuş ödəniş (danışıq) kartlarının nominalına uyğun olaraq istifadə müddəti aşağıdakı kimi tətbiq ediləcək:

Beləliklə, 1 iyul 2024-cü il tarixindən etibarən 1 manatlıq ödəniş (danışıq) kartının istifadə müddəti 5 gün (hazırda 7 gün), 2 manatlıq ödəniş (danışıq) kartının istifadə müddəti 10 gün (hazırda 14 gün), 3 manatlıq ödəniş (danışıq) kartının istifadə müddəti 20 gün (hazırda 30 gün), 5 manatlıq ödəniş (danışıq) kartının istifadə müddəti 30 gün (hazırda 60 gün), 10 manatlıq ödəniş (danışıq) kartının istifadə müddəti 60 gün (hazırda 90 gün), 25 manatlıq ödəniş (danışıq) kartının istifadə müddəti 90 gün (hazırda 180 gün), 50 manatlıq ödəniş (danışıq) kartının istifadə müddəti 120 gün (hazırda 180 gün), 100 manatlıq ödəniş (danışıq) kartının istifadə müddəti 120 gün (hazırda 180 gün) olacaqdır. Qısası, 1 iyul 2024-cü il tarixindən etibarən istifadə müddətləri azalacaqdır.

Qeyd edilib ki, bütün nominallı (1, 2, 3, 5, 10, 25, 50 və 100 AZN) ödəmə (danışıq) kartlarında yeni ödəmə kartının yükləmə müddəti ödəmə kartlarının nominalından asılı olaraq müəyyən edilən kartın istifadə müddəti + 180 gün kimi saxlanılır. Beləliklə də, abunəçi bu müddət ərzində yeni ödəmə kartı yükləyib istifadə imkanını yeni müddətə artırmaqla, eyni zamanda həmin yeni müddət bitənədək həm daha əvvəl yüklənmiş və istifadə edilməmiş məbləğlərdən, həm də yeni yüklədiyi ödəmə kartının məbləğindən istifadə imkanına malik olacaq.

Göstərilənlər ilə yanaşı, fakturasız (SimSim) xətt sisteminə aid nömrələrin balasına elektron ödəniş üsulları ilə sərbəst seçilən nominalda pul vəsaitinin yüklənməsi imkanı təmin edilir. Fakturasız (SimSim) xətt sisteminə aid nömrələr üçün nəzərdə tutulmuş 1, 2, 3, 5, 10, 25, 50 və 100 AZN nominallarının əvəzinə, elektron ödəniş üsulları vasitəsi ilə həyata keçirilən ödənişlərə görə aşağıdakı cədvəldə göstərilən aralıqda məbləğlər və müvafiq istifadə müddətləri təyin edilir:

Elektron ödəniş üsulları vasitəsi ilə ödəniş üçün daxil edilən məbləğin minimal həddi 1 AZN təşkil edir.

Abunəçilər göstərilən dəyişikliklər, tarif və internet paketlərinin şərtləri, sifarişi, başqası ilə əvəzetmə və imtina qaydası barədə, o cümlədən “Azercell Telekom” MMC tərəfindən təqdim edilən xidmətlər, tariflər və keçirilən kampaniyalar barədə ətraflı məlumatları Şirkətin rəsmi internet səhifəsindən, həmçinin Müştəri Xidmətlərinə (MX ofisləri, həftənin 7 günü 24 saat ərzində fəaliyyət göstərən Telefon Mərkəzi) müraciət etməklə əldə etmək imkanına malikdirlər.