Azərbaycan yanvarda Türkiyəyə qaz ixracını cüzi azaldıb

Azərbaycan yanvarda Türkiyəyə qaz ixracını cüzi azaldıb

Azərbaycan yanvarda Türkiyəyə qaz ixracını cüzi azaldıb

Azərbaycan 2024-cü ilin yanvar ayında Türkiyəyə “Şahdəniz” yatağından hasil edilən 877,74 milyon kubmetr qaz ixrac edib ki, bu da 2023-cü ilin yanvar ayının göstəricisindən 0,47% azdır.

Bu barədə Türkiyənin Enerji Bazarını Tənzimləmə Qurumunun (EPDK) məlumatında deyilir.

VTB-də yüksək depozit faizləri daha çox qazandırır

Yanvarda Türkiyəyə qaz ixracının ümumi nəcminin 13,5%-i Azərbaycanın payına düşüb.

Azərbaycan yanvar ayında Türkiyəyə qaz ixracının həcminə görə üçüncü pillədə qərarlaşıb. Birinci pillədə 41,1%-lə Rusiya, ikinci pillədə 16%-lə ABŞ, dördüncü pillədə 13,4%-lə İran yer alıb.

Yanvar ayında Türkiyəyə qaz ixracı 7 ölkədən (Azərbaycan, İran, Rusiya (boru kəmərləri ilə), ABŞ, Əlcəzair, Fransa, Kamerun və Rusiya - LPG) həyata keçirilib.

Xəbər verildiyi kimi, Azərbaycan 2023-cü ildə Türkiyəyə “Şahdəniz” yatağından hasil edilən 10 milyard 257,22 milyon kubmetr qaz ixrac edib ki, bu da 2022-ci ilin göstəricisindən 17,8% çoxdur.

Türkiyəyə “Şahdəniz” yatağının işlənməsi üzrə “Mərhələ-1” və “Mərhələ-2” çərçivəsində hasil olunan Azərbaycan qazı ixrac edilir.

2021-ci ilin III rübündə Azərbaycan və Türkiyə arasında Bakı-Tbilisi-Ərzurum boru kəməri ilə nəql ediləcək 11 milyard kubmetr təbii qazın alqı-satqısı haqqında yeni müqavilə imzalanıb. Müqavilə 2024-cü ilin sonunadək (2021-ci ilin IV rübü – 2024-cü il) “Mərhələ-1” çərçivəsində ildə 3,7 milyard kubmetr qazın nəqlini nəzərdə tutur. Müqavilə çərçivəsində nəql 2021-ci il oktyabrın 1-dən həyata keçirilir.

“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. Müqavilə üzrə tərəflərin iştirak payı aşağıdakı kimidir: BP (operator – 29,99%), “Cənub Qaz Dəhlizi” QSC (21,02%), LUKOIL (19,99%), NICO (10%), TPAO (19%).

27.03.2024 19:30

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az