Mərkəzi Bank kapital bazarlarındakı 2 qurumun transformasiyasını nəzərdə tutur

Mərkəzi Bank kapital bazarlarındakı 2 qurumun transformasiyasını nəzərdə tutur

Mərkəzi Bank kapital bazarlarındakı 2 qurumun transformasiyasını nəzərdə tutur

Xəbər verdiyimiz kimi, Azərbaycan Respublikası Mərkəzi Bankının İdarə Heyəti tərəfindən “2024-2026-cı illərdə maliyyə sektorunun inkişaf Strategiyası” təsdiq olunub.

Marja.az xəbər verir ki, Maliyyə sektorunun inkişafı strategiyasına "Kapital bazarlarının inkişaf strategiyası 2024-2026" da daxildir.

Strategiyanın məqsədləri; fərdi investorların kapital bazarlarında iştirakının təşviq edilməsi, real sektorun kapital bazarlarından maliyyələşməsinin təşviq edilməsi, xidmətlərin keyfiyyəti, əlçatanlığı və effektivliyinin təmin edilməsi, Kapital bazarlarının effektiv və çevik infrastrukturunun inkişaf etdirilməsi və risk əsaslı nəzarətin və keyfiyyət amillərinin təmin edilmə mexanizmlərinin yaradılmasıdır.

Məqsədlərə nail olmaq üçün - Bakı Fond Birjasının (BFB) transformasiyası, Milli Depozit Mərkəzinin (MDM) transformasiyası, Mərkəzi Kontragent İnstitutunun (MKİ) yaradılması və İnvestorların bazara çıxışı prosesinin təkmilləşdirilməsi nəzərdə tutulur.

BFB-nin təkmil korporativ idarəetmə və informasiya təhlükəsizliyinə, məlumatların ötürülməsinə, geniş imkanlara və səhm və istiqraz emissiyası üçün təkmil əməliyyat sisteminə malik olan bir quruma çevrilməsi, sifarişlərin sürətli və etibarlı icrasını təmin etmək üçün BFB-nin müasir və təkmil ticarət sisteminə malik olmasının təmin edilməsi planlaşdırılır.

Həmçinin, birbaşa çıxış kanallarının genişləndirilməsi, kapital bazarlarına çıxışın təşviq edilməsi, borc qiymətli kağızlarının emissiyası tələblərinin optimizasiyası və emissiya ilə bağlı tənzimləyici proseslərin səmərəliləşdirilməsi nəzərdə tutulur.

Strategiya sənədinin əhatəli icmalı ilə bu keçiddən istifadə etməklə tanış ola bilərsiniz:

2024-2026-cı illərdə maliyyə sektorunun inkişaf Strategiyası

26.01.2024 12:52

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az