OPEC: Neft istehlakı 2025-ci ildə güclü şəkildə artacaq

OPEC: Neft istehlakı 2025-ci ildə güclü şəkildə artacaq

OPEC bildirir ki, qlobal neft tələbi gələn il də güclü şəkildə artmağa davam edəcək və tələb təklifi üstələyəcək.

OPEC: Neft istehlakı 2025-ci ildə güclü şəkildə artacaq

Çin və canlanan qlobal iqtisadiyyatın təsiri ilə gələn il dünya neft istehlakı gündəlik təxminən 1,8 milyon barel artacaq.

Marja.az xəbər verir ki, bu, Neft İxrac Edən Ölkələr Təşkilatının (OPEC) aylıq bazar hesabatında bildirilir.

Hesabatda gələn il qeyri-OPEC ölkələrindən hasilatın gündəlik 1,3 milyon barel artacağı proqnozlaşdırılır. Nəticədə, bu ay hasilatın yeni azaldılmasına təşəbbüs göstərən Səudiyyə Ərəbistanı və müttəfiqləri hasilatı əhəmiyyətli dərəcədə artırmasa, neft bazarları 2025-ci ilin sonuna qədər defisitlə davam edəcək.

Digər tərəfdən, Beynəlxalq Enerji Agentliyi bu il neftə tələbatın yavaşlayacağını, buna əsasən bərpa olunan enerji və elektrik nəqliyyat vasitələrinin artmasının səbəb olacağını proqnozlaşdırır.

OPEC 2024-cü ildə neftə tələbat artımı proqnozunu 2,2 milyon barel səviyyəsində saxlayıb.

OPEC-in 2024-cü ildə qlobal neft tələbatının artımı barədə proqnozu 2,2 milyon barel/gündür. Təşkilat bu il neftə təlabatın gündəlik 104,4 milyon barel səviyyəsinə çatacağını gözləyir. Təşkilat 2025-ci ildə tələb artımının gündəlik 1,8 milyon barel təşkil edəcəyini gözləyir. Mütləq hesablasaq, 2025-ci ildə qlobal neft tələbatı gündəlik 106,2 milyon barelə çata bilər.

OPEC vurğulayır ki, 2024-cü ildə neftə olan tələbat İƏİT-ə daxil olmayan ölkələrdə hava səyahətləri, avtomobil səyahətləri, eləcə də sənaye, tikinti və kənd təsərrüfatı sahələrindən güclü tələbatla dəstəklənəcək.

OPEC həmçinin 2024-cü ildə OPEC-ə daxil olmayan ölkələrdən neft hasilatının artımı proqnozunu gndəlik 100 min barel azaldaraq, 1,3 milyon barel/günə endirib. 2025-ci ildə də eyni rəqəmin olacağı gözlənilir. Mütləq ifadədə OPEC-ə daxil olmayan ölkələrdən neft hasilatının 2024-cü ildə 70,4 milyon barel, 2025-ci ildə isə 71,7 milyon barel olacağı gözlənilir.

OPEC-in proqnozuna görə, 2024-cü ildə neft hasilatı ABŞ, Kanada, Qayana, Braziliya, Norveç və Qazaxıstanda artacaq.

17.01.2024 18:38

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az