Neft "neftbaza" göstəricisi öncəsi bahalaşır

Neft "neftbaza" göstəricisi öncəsi bahalaşır

Neft "neftbaza" göstəricisi öncəsi bahalaşır

ABŞ-da azalma göstərməsi gözlənilən rəsmi neftbaza göstəricisi öncəsi neft yenidən bahalaşmağa başlayıb. Eyni zamanda neftin bahalaşmasına OPEC və digər istehsalçıların bazara sabitlik gətirmək üçün istehsalı azaltmağa başlamaları da təsir göstərir.

ABŞ-da Cümə günü Enerji İnformasiya İdarəsinin açıqlayacağı neft ehtiyatları göstəricisinin, Bloomberg-in sorğusuna qatılan analitiklərin proqnozlarına görə, ötən həftə 2.25 milyon barrel aşağı düşməsi gözlənilir.

VTB-də minimal faiz dərəcəsi ilə nağd kredit 9.9%-dən

Digər tərəfdən OPEC-in istehsalın azaldılması razılaşmasına daxil edilməyən Liviya iki il davam edən daxili problemlərin ardından, ən böyük neft sahəsində istehsalı artırır.

Neft ötən il, Neft İxrac Edən Ölkələr Birliyi (OPEC) və qrup xarici digər 11 istehsalçı ölkənin istehsalı azaltmaq məsələsində razılığa gəlməsi ilə birlikdə, 2009-dan bu yana ən böyük illik bahalaşmasını həyata keçirib. OPEC üzvü olan Küveyt müqavilənin başladığı 1 Yanvardan etibarən hasilatını gündəlik 130,000 barel azaldarkən, Oman istehsalını bu ay gündəlik 45,000 barel aşağı salır.

Bəzi analitklər neftin ilk rübdə orta hesabla 60 dollar səviyyəsində olacağını təxmin edirlər. Qiymətlər, makro göstəricilərin daha güclü iqtisadi inkişafa işarə etməsə, yəqin ki, bu səviyyədən (60 dollar) daha yuxarı olmayacaq. Liviya şübhələri bir miqdar artırıb.

Qərbi Texas nefti (WTI), Nymex birjasında 35 sent yüksələrək bareli 52.68 dollara qədər çıxandan sonra, 52.66 dollara gəlib.

Brent nefti, Londonda ICE Futures Europe birjasında 38 sent və ya 0.7 faiz yüksələrək bareli 56.14 dollara qədər çıxıb. Brent nefti dünən 3% bahalaşaraq 58 dolları görmüşdü.

04.01.2017 06:25