"Toyuq yumurtasının qiyməti Yeni ildən sonra aşağı düşə bilər, bunun üçün bütün səbəblər var".

Marja.az xəbər verir ki, bunu Rusiyanın kənd təsərrüfatı naziri Dmitri Patruşev bildirib. 

"Yumurta olduqca mövsümi məhsuldur. Bu zamanlar (payızın sonu, qışın əvvəli - red) yumurtanın qiyməti həmişə artır. Hələlik bizim üçün o qədər də rahat olmayan tendensiya müşahidə edirik: qiymətlər az-az artmaqda davam edir, lakin buna baxmayaraq, mövsümi faktor da öz təsirini göstərməlidir. Mən ümid edirəm ki, Yeni ildən sonra qiymətlər enməyə başlayacaq" -deyə nazir bildirib.

Rusiyada toyuq yumurtası ilin əvvəlindən 46% bahalaşıb, həftəlik artım tempi hələ də aşağı düşməyib: dekabrın 5-dən 11-dək 4,55% də yüksəlib.

Ötən həftə Rusiya prezidenti Vladimir Putin yumurta və toyuq ətinin qiyməti ilə bağlı vəziyyətlə bağlı sualı cavablandırarkən, bahalaşmanı tələbatın artması, lakin istehsalın artmaması, idxalın vaxtında açılmaması ilə izah edib. Onun fikrincə, yumurtanın qiyməti ilə bağlı vəziyyət “yaxşılaşacaq” və bu, ən azı iki həftədir ki, Kənd Təsərrüfatı Nazirliyi ilə müzakirə mövzusudur. Putin yumurtanın bahalaşmasına görə üzr istəyib və bunun hökumətin işində uğursuzluq olduğunu bildirib.

Nazir qeyd edib ki, hökumət toyuq yumurtasının qiymətinin sabitləşməsi və ucuzlaşması üçün bir sıra tədbirlər həyata keçirib. 

“Birincisi, yumurta və quş əti istehsalçılarına dəstək tədbirlərini təkmilləşdirmişik, onlar istehsalı stimullaşdırmaq üçün bizdən bir az daha çox maliyyə ala biləcəklər. İkincisi, biz indi şəbəkələrlə fəal işləyirik ki, onlar istehsalçılarla birbaşa müqavilələr bağlasınlar. Bu da istehlakçı üçün son qiymətdə öz əksini tapacaq”, - deyə nazir əlavə edib.

Ən vacib işlər arasında o, idxal olunan yumurtalar üçün idxal rüsumunun aradan qaldırılmasını qeyd edib: "Bu tədbir bazarı doyuracaq və “əlavə həcm təmin edəcək, ümid edirik ki, bu da qiymətə təsir edəcək”.

Nazir Azərbaycan və Türkiyədən yumurta idxalına başlanılmasını qiymətlərin aşağı salınması üçün vacib tədbir olduğunu qeyd edib.