Dövlət şirkəti 50 milyon dollar borc alır - İSTİQRAZ EMİSSİYA EDİB, ŞƏRTLƏR

Dövlət şirkəti 50 milyon dollar borc alır - İSTİQRAZ EMİSSİYA EDİB, ŞƏRTLƏR

"Azərbaycan Xəzər Dəniz Gəmiçiliyi” QSC-nin istiqrazları Bakı Fond Birjasının premium bazar seqmentində listinqə alınıb.

Dövlət şirkəti 50 milyon dollar borc alır - İSTİQRAZ EMİSSİYA EDİB, ŞƏRTLƏR

13 dekabr 2023-cü il tarixində Bakı Fond Birjasının (BFB) Listinq Komitəsinin qərarı ilə dövlətə məxsus "Azərbaycan Xəzər Dəniz Gəmiçiliyi” QSC-nin ümumi dəyəri 50 milyon ABŞ dolları olan istiqrazları premium bazar seqmentində listinqə daxil edilib.

Bu barədə Marja.az-a Bakı Fond Birjasından bildirilib.

Qeyd olunan istiqrazların yerləşdirilməsi Bakı Fond Birjasında abunə yazılışı üsulu ilə həyata keçiriləcəkdir.

Abunə yazılışı 18 dekabr 2023-cü il tarixində başlayacaqdır və 18 fevral 2024-cü ilədək davam edəcəkdir.

Yerləşdirmənin başlanmasına ən azı 2 iş günü qalmış yerləşdirmənin baş tutacağı tarix BFB-nin internet səhifəsində investorlara açıqlanacaqdır.

Yerləşdirmə üzrə anderrayter “PAŞA Kapital İnvestisiya Şirkəti” QSC-dir.

İstiqrazların emissiya prospektini BFB-nin internet səhifəsində “Emitentlərin profili” (https://www.bfb.az/az/emitentler) bölməsindən əldə edə bilərsiniz.

Faizli, təmin edilməmiş, sənədsiz adlı istiqrazların sayı 50 000 ədəd, hər birinin nominal dəyəri 1000 ABŞ dolları, faiz dərəcəsi 6%, tədavül müddəti 5 ildir. Kupon faizləri ildə 2 dəfə ödəniləcək.

Abunə yazılışında iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.

"Azərbaycan Xəzər Dəniz Gəmiçiliyi” QSC-nin istiqrazları ilə bağlı ətraflı məlumat üçün göstərilən linkə keçid edə bilərsiniz: www.ascoistiqraz.az

Qeyd edək ki, "Azərbaycan Xəzər Dəniz Gəmiçiliyi" 2023-cü ilin mart ayında hər birinin nominal dəyari 1000 ABŞ dolları olan 100 min ədəd istiqraz emissiya edərək 100 milyon dollar cəlb edib. Cəlb edilən vəsait ilə yeni tankerlər alınıb.

"Azərbaycan Xəzər Dəniz Gəmiçiliyi"nin səhmlərinin 100%-i Azərbaycan Respublikasına məxsusdur.

15.12.2023 14:44

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az