"Samsung" "Apple"dan çox mənfəət əldə edib

"Samsung" "Apple"dan çox mənfəət əldə edib

Bu ilin II rübündə Cənubi Koreyanın "Samsung" şirkətinin mənfəəti tarixdə ilk dəfə ABŞ-ın "Apple" şirkətinin mənfəətindən çox olub.

Rusiya mətbuatın xəbər verir ki, hesabat dövründə "Samsung" illik müqayisədə 89% çox - 9,9 mlrd. ABŞ dolları məbləğində mənfəət əldə edib ki, bu da "Apple"ın mənfəətindən 1,2 mlrd. dollar və yaxud 13,5% çoxdur.

Koreya şirkətinin bir neçə gün bundan əvvəl açıqlanan hesabatında II rübdə onun gəlirinin 20% artaraq 54,2 mlrd. dollara çatdığı qeyd olunub. "Apple"ın eyni dövr ərzində gəliri isə 45,4 mlrd. dollar təşkil edib. "Samsung"un gəlirinin artması əsasən onun ən son model istehsal etdiyi "S8" markalı mobil telefonların satışı ilə bağlıdır.

Xatırladaq ki, "Apple" sentyabr ayında satışa çıxaracağı "İPhone 8" mobil telefon modeli üçün "Samsung"a 70 mln. ədəd "OLED" paneli sifariş verib. Nəticədə, şirkətin displey istehsal edən qolu mənfəətini son 1 ildə 12 dəfədən çox artıraraq 1,7 trln. vona və yaxud 1,47 mlrd. dollara çatdırıb.

Apple-dən verilən açıqlamaya görə, bu ilin Aprel-İyun dövrünü balansında üçüncü rüb olaraq qəbul edən şirkətin gəlirləri keçən ilin eyni dövrünə nisbətən 7.1 faiz artaraq 45.4 milyard dollara yüksəlib.

Apple-ın ümumi gəlirinin 61%-inin beynəlxalq satışlardan əldə edildiyi bildirilib. Şirkət, keçən ilin aprel-iyun dövründə 42.4 milyard dollar gəlir əldə etmişdi. Analitiklər şirkətin gəlirlərinin 44.95 milyard dollar səviyyəsində olacağını gözləyirdilər.

Açıqlamada, şirkətin xalis mənfəətinin də ötən ilin aprel-iyun dövründə 7.8 milyard dollardan bu ilin eyni dövründə 8.7 milyard dollara yüksələrək 11.5 faiz artım göstərdiyi məlumatına yer verilib. Şirkətin bir səhmə düşən xalis mənfəəti 1.42 dollardan 1.67 dollara qalxıb. Analitiklər bir səhmən 1.57 dollar mənfəət gözləyirdilər.

02.08.2017 12:38

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az