bp bu ay ACE platformasından ilk istismar quyusunu qazmağa hazırlaşır

bp şirkəti noyabr ayında "Azəri-Çıraq-Günəşli" (AÇG) blokunda "Mərkəzi Şərqi Azəri" (ACE) platformasından ilk istismar quyusunu qazmağa hazırlaşır və bu, planlaşdırıldığı kimi, 2024-cü ilin əvvəlində ACE-dən ilk nefti hasil etməyə imkan verəcək.
Bunu müsahibəsində bp-nin Xəzər regionunda kommunikasiya və xarici əlaqələr üzrə vitse-prezidenti Bəxtiyar Aslanbəyli deyib.
"Bu ilin mart ayında ACE-nin dayaq blokunu dənizə göndərmişik və "Azəri-Çıraq-Günəşli" yatağında daimi yerində quraşdırmışıq. Bundan sonra avqust ayında ACE-nin üst modulları dənizə yola salınıb. Dənizdə üst modulların quraşdırılması, montaj və işə salınması artıq başa çatıb. Layihə hazırda 94 faiz reallaşdırılıb", - o deyib.
AÇG-də qiymətləndirmə quyusunun qazılması
B.Aslanbəylinin sözlərinə görə, hazırda hasilatın aparıldığı neft yatağının altındakı dərin qaz laylarına dair məlumat əldə etmək məqsədilə quyunun qazılmasına 7 fevral 2023-cü il tarixində başlanılıb.
"Qazma işlərini aprel ayında tamamlamışıq. Hazırda quyudan əldə edilən məlumatları və AÇG-nin dərin qaz laylarının potensialını öyrənirik", - deyə o bildirib.
"Şahdəniz"də SDX-8 quyusunun qazılması
"Şahdəniz" müqavilə sahəsində SDX-8 kəşfiyyat quyusunun qazılmasına 20 yanvar 2023-cü ildə başlanılıb. Qazılmasına Heydər Əliyev adına yarımdalma qazma qurğusunun cəlb olunduğu quyu "Şahdəniz" yatağının şərq cinahında yerləşir. Quyunu ümumilikdə 7 min metr dərinliyində qazmağı planlaşdırırıq", - o deyib.
bp şirkətinin vitse-prezidenti hazırda qazma işlərinin təhlükəsiz və stabil qaydada davam etdiyini qeyd edib.
"Şahdəniz-2"də şərq-şimal cinahından hasilatın başlaması
B.Aslanbəyli "Şahdəniz-2" layihəsi çərçivəsində şərq-şimal cinahında hasilatın dördüncü rübdə başlaması üzrə işlərin qrafik üzrə irəlilədiyini qeyd edib.
"Bu layihə çərçivəsində quraşdırma və sınaq işləri "Shah Deniz Bravo" platformasında həm sualtı, həm də üst modullarda davam edir. Layihə çərçivəsində gəmilərin köməyilə şərq-şimal cinahının istismar sınaqlarının təmin edilməsi üzrə işlər başa çatıb və bütün sistemi işə salmaq üçün hazırda platformada istismar sınaqları davam edir", - o deyib.
Cəbrayılda günəş elektrik stansiyası
"Sunrise" Cəbrayılda inşa olunacaq 240 meqavatt gücündə günəş elektrik stansiyasıdır. Lakin bu tipik günəş enerjisi layihəsi deyil, bu layihənin fəaliyyətimizin dekarbonizasiyasına imkan yaradacaq digər layihə ilə əlaqəli olacağı gözlənilir. Buna "Virtual enerji ötürmə sxemi" adlı pilot kommersiya strukturu vasitəsilə nail olunacağı gözlənilir. Bu yanaşma Energetika Nazirliyi ilə razılaşdırılıb və cari əməliyyatlarımızı virtual enerji ötürmə yolu ilə həyata keçirmək üçün Cəbrayılda hasil olunan elektrik enerjisini almağımıza imkan verəcək", - deyə bp-nin vitse-prezidenti bildirib.
O, bp-nin hazırda hökumət, SOCAR və digər tərəfdaşlarla layihə ilə əlaqəli yerdə qalan texniki və kommersiya məsələlərinin həlli üzərində işlədiyini qeyd edib.
"2023-cü ildə Cəbrayılda günəş elektrik stansiyasının inşası üçün sahə araşdırmaları apardıq, həmçinin SOCAR və Azərbaycan İnvestisiya Şirkəti (AİŞ) ilə "Sunrise" ("Şəfəq") layihəsi üzrə qoşulma sazişi imzaladıq. Sənəddə SOCAR və AİŞ-in layihədə iştirak etmək niyyətində olduqları qeyd edilib. Bu ondan xəbər verir ki, biz durmadan layihə üzrə yekun investisiya qərarını qəbul etməyə doğru irəliləyirik", - deyə B.Aslanbəyli əlavə edib.
Yeni yaradılmış "Shafag (Cəbrayıl) Solar Limited" şirkətinə gəlincə, B.Aslanbəyli bunun "Şəfəq" layihəsinin sahibliyi və idarə olunması üçün yaradılmış hüquqi şəxs olduğunu bildirib.
Bakı-Supsa neft boru kəməri
"Bakı-Supsa boru kəməri sisteminin, o cümlədən Supsa terminalının fəaliyyətini 15 mart 2022-ci ildən dayandırmışıq. Bu, tankerlər olmadığı təqdirdə boru kəmərinin fəaliyyətinin dayanması ehtimalının qarşısını almaq üçün ehtiyat tədbiri idi. Həmin tarixdən etibarən Bakı-Supsa neft boru kəməri yalnız Supsada tanker yüklənməsi üçün müraciət daxil olduqda istifadə olunub. Bu proses çərçivəsində növbəti hər aya dair qərar əvvəlki aylarda yükgöndərənlər tərəfindən daxil olan müraciətlər əsasında qəbul olunur", - deyə Bəxtiyar Aslanbəyli qeyd edib.
Onun sözlərinə görə, hazırda bu vəziyyətlə bağlı heç bir dəyişiklik yoxdur və noyabr ayı üçün müraciət daxil olmayıb.
2024-cü ildə yataqlarda profilaktik işlərin aparılması üzrə planlar
"2024-cü il üçün bütün fəaliyyət planlarımız (illik proqram işləri), o cümlədən profilaktik işlər üzrə planlar hələ SOCAR və digər tərəfdaşlar tərəfindən təsdiqlənməlidir. Təsdiq olunduqdan sonra biz növbəti ilə planlaşdırılan profilaktik işlərdən danışa bilərik", - deyə o sonda deyib.
© Trend
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri
SON XƏBƏRLƏR
-
1 gün sonra
Yeni nəsil şəffaf LED ekranlar Azərbaycanda - Artıq reklamlarınız daha mükəmməl görünəcək
- 6 saat sonra
-
6 saat əvvəl
Mikayıl Cabbarov “Oliver Wyman Group” şirkətinin qlobal rəhbəri ilə görüşüb
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 7 saat əvvəl
-
7 saat əvvəl
"Mazda Azərbaycan" Babəkdə yeni satış salonunu istifadəyə verdi
-
7 saat əvvəl
Bakı Fond Birjasından Unibank-ın dollar istiqrazları barədə qərar
-
7 saat əvvəl
Xalq Bank investisiya xidmətlərinin həyata keçirilməsinə lisenziya alan ilk bank oldu
-
8 saat əvvəl
PAŞA Holding-in dəstəyi ilə Şamaxının kəndində yeni sosial müəssisə istifadəyə verildi
-
8 saat əvvəl
150 robot layihəsi təqdim edilib, qalib komandalar müəyyən olunub
- 8 saat əvvəl
-
9 saat əvvəl
Mərkəzi Bank "Xalq Bank"a investisiya faəliyyəti üçün lisenziya verdi
- 9 saat əvvəl
Son Xəbərlər

Yeni nəsil şəffaf LED ekranlar Azərbaycanda - Artıq reklamlarınız daha mükəmməl görünəcək

Böyük şirkət vakansiyalar elan etdi

İlham Əliyev Albaniyaya getdi

Bakı Fond Birjasından Unibank-ın dollar istiqrazları barədə qərar

PAŞA Holding-in dəstəyi ilə Şamaxının kəndində yeni sosial müəssisə istifadəyə verildi

150 robot layihəsi təqdim edilib, qalib komandalar müəyyən olunub
Ən çox oxunanlar

Dolların sabah üçün rəsmi məzənnəsi müəyyən olunub

Mərkəzi Bank 2 banka icrası məcburi sərəncam verdi

Mərkəzi Bank AYİB-in dəstəyi ilə indekslərin hesablanması və dərci üçün təkmilləşdirilmiş metodologiyanı tətbiq edib

“Aztelekom” MMC-nin yenidən təşkili qeydə alınıb

Azərbaycanda mobil rabitə gəlirləri 2 %-ə yaxın artıb

Azərbaycanda hər gün orta hesabla 15 ədəd minik avtomobili istehsal olunub - 2 DƏFƏ ARTIB

Dövlət büdcəsində 3 milyard manatdan çox artıqlıq yaranıb - PROFİSİT 2 DƏFƏYƏ YAXIN ARTIB
