İstiqrazlar üzrə 5,5 milyon borcu olan Azərbaycan şirkətində ağır vəziyyət - İNVESTORLAR İTİRƏ BİLƏRLƏR

İstiqrazlar üzrə 5,5 milyon borcu olan Azərbaycan şirkətində ağır vəziyyət - İNVESTORLAR İTİRƏ BİLƏRLƏR

İstiqrazlar üzrə 5,5 milyon borcu olan Azərbaycan şirkətində ağır vəziyyət - İNVESTORLAR İTİRƏ BİLƏRLƏR

2023-cü ilin birinci yarısında (yanvar-iyun) metal məmulatların istehsalı ilə məşğul olan "AzeSteelCompany" ASC şirkətinin satışdan gəlirləri 571 min manat təşkil edib. 2022-ci ilin eyni dövründə Şirkətin satışdan gəlirləri 5 milyon 210 min manat təşkil etmişdi. Beləliklə, bu ilin ilk yarısında ötən ilin eyni dövrü ilə müqayisədə "AzeSteelCompany" şirkətinin satışdan gəlirləri 9 dəfədən çox azalıb.

Marja.az-ın məlumatına görə, 2022-ci ilin ilk yarsını 437 min manat xalis mənfəət ilə başa vurmuş "AzeSteelCompany", 2023-cü ilin birinci yarısında 1 milyon 511 min manat zərər ilə üzləşib.

VTB-də yüksək depozit faizləri daha çox qazandırır

2023-cü ilin birinci yarısında "AzeSteelCompany" şirkətinin cəmi gəlirləri 573 min manat, cəmi xərcləri 2 milyon 84 min manat, xərclər gəlirləri üstələdiyindən xalis zərəri 1 milyon 511 min manat olub.

"AzeSteelCompany" 2022-ci ili 1 milyon 806 min manat xalis zərər ilə bağlamışdı.

30 İyun 2023-cü il tarixində "AzeSteelCompany" şirkətinin yığılmış zərəri 3 milyon 869 min manata çatıb və 10 milyon 854 manat cəmi kapitalını azaldaraq 6 milyon 985 min manata düşməsinə səbəb olub.

30 İyun 2023-cü il tarixində "AzeSteelCompany" şirkətinin kreditlər üzrə 1 milyon 984 min manat, alınmış borclar üzrə 819 min manat, istiqrazlar üzrə 5 milyon 548 min manat borcu olub. Şirkətin ümumi öhdəlikləri 14 milyon 206 min manat təşkil edib ki, bu da onun cəmi kaitalından iki dəfədən çox yüksəkdir.

2022-ci ilin 30 iyun tarixində "AzeSteelCompany"də debitor borclar (alacağı vəsait) 3 milyon 5 min manat ikən, 30 iyun 2023-cü il tarixində 9 milyon 328 min manat olub (3 dəfədən çox artıb).

Qeyd edək ki, "AzeSteelCompany" şirkətinin səhmdarları "AzFinance İnvestisiya Şirkəti" (61,63%), Camaləddin İsmayılov (18,45%), Kənan Ağayev (7,04%) və digər 3 fiziki şəxsdir (12,88%).

02.11.2023 18:10

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az