PAŞA Bank Azərbaycanda sosial sahibkarlığın inkişafına dəstək verir

PAŞA Bank Azərbaycanda sosial sahibkarlığın inkişafına dəstək verir

PAŞA Bank Azərbaycanda sosial sahibkarlığın inkişafına dəstək verir

(®) Oktyabrın 11-də Azərbaycanda ilk dəfə keçirilən “Dəyər günləri” çərçivəsində “Sosial sahibkarların korporativ satınalmalar sərgisi” keçirilib.

“Education HUB” və “Dəstəkçi” təşkilatçılığı ilə reallaşan və Kiçik və Orta Biznesin İnkişafı Agentliyinin (KOBİA) dəstəyi ilə baş tutan tədbirin əsas tərəfdaşı qismində ölkənin aparıcı maliyyə institutu PAŞA Bank çıxış etmişdir.

Sərginin keçirilmə məqsədi sosial sahibkarlıq subyektləri ilə korporativ sektor arasında tərəfdaşlıq əlaqələri yaratmaq, onları dövlət satınalma proseslərində iştiraka təşviq etmək olub. “KOB Evi”-ndə təşkil edilmiş sərgidə ümumilikdə 50-dən çox sosial sahibkarlıq subyektləri iştirak edib.

Tədbirdə çıxış edən PAŞA Bankın Kiçik və Orta Sahibkarlıq bankçılıq sahəsinin rəhbəri Heydər Süleymanovun sözlərinə görə, KOS müştərilərinin maliyyələşdirilməsində əlçatanlığın təmin olunması PAŞA Bank üçün ən əsas prioritetlərindən biridir.

“Sosial sahibkarlıq cəmiyyət, ətraf mühitin və ölkənin dayanıqlı inkişaf problemlərinin həllinə yönlənmiş bir sahibkarlıq növüdür və bu fəaliyyət “Ekoloji, Sosial, Korporativ İdarəetmə standartlarında” mühüm bir yer tutur. Fikirimizcə, özəl şirkətlər bu seqmentin dəstəklənməsində böyük bir rol oynaya bilərlər. Maliyyə institutları və bu bizneslərlə sıx iş əlaqələrin qurulması yalnız sosial problemlərin həllinə töhfə vermir, hətta potensial müştərilərin və investorların bu seqmentə marağını artırır və bu bizneslər üçün yeni üfüqlərin açılmasına dəstək olur. Ölkənin aparıcı korporativ bankı olaraq, biz Azərbaycanda sosial sahibkarlığın inkişafını hərtərəfli dəstəkləməyə hazırıq və bu sahədə çalışan sahibkarların uğuruna tam inanırıq”, - deyə, H. Süleymanov vurğulayıb.

Xatırladaq ki, 2022-ci ilin iyulunda ilk dəfə sosial sahibkarlıq ekosistemin gücləndirilməsi üçün PAŞA Bankın dəstəyi ilə Education HUB-la birlikdə “Dəyər üçün Səhər yeməyi” (“İmpact for Breakfast”) konsepti də fəaliyyətə başlamışdı.

13.10.2023 18:27

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az