"Kapital bazarları diqqətsiz qalıb"

"Kapital bazarları diqqətsiz qalıb"

"Səmimi etiraf edim ki, sığorta və kapital bazarları sektorları kifayət qədər kiçikdir, lakin kifayət qədər böyük potensialı var".

Marja.az xəbər verir ki, bunu AZTV-yə müsahibəsində Mərkəzi Bankın sədri Taleh Kazımov bildirib.

VTB-də yüksək depozit faizləri daha çox qazandırır

Kazımov deyib ki, hazırda Mərkəzi Bank ümumi maliyyə sektorunun və hər bir alt sektor - bank, sığorta, kapital bazarları və ödəniş sistemləri sahələrində ayrıca strategiya hazırlayır: "Çox güman ki, növbəti bir ay ərzində biz onları ictimaiyyətə açıqlayacağıq".

Taleh Kazımov əlavə edib ki, sığorta sektoru kifayət qədər balacaqdır, sığorta haqlarının ümumi daxili məhsulda payı cəmi 1,1%-dir:

"Biz ilk növbədə icbari sığorta növləri üzrə sığorta şirkətlərinin göstərdiyi xidmətlərini, ümumiyyətlə həmin sığorta növlərinin tənzimlənməsini daha effektiv, şəffaf, daha istehlakçı yönümlü olmasını təmin etməyi nəzərdə tuturuq. İkinci mərhələdə könüllü sığorta növlərinin inkişafına dəstək olacağıq. Hər il sığorta haqları 25-30% artır, sığorta ödənşilərində də eyni göstəricilərdir. Sığorta şirkətlərinin korporativ idarəetmə standartlarına, tələblərinə yenidən baxılmalıdır, hal-hazırda onun üzərində işlər gedir. İcbari sığorta növləri üzərində fokuslanmalıyıq, çünki əhalinin əksər hissəsi bu sığorta məhsulları ilə rastlaşır. Bu məhsuları əldə edən istehlakçıların hüquqları daha güclü qorunmalı və daha effektiv xidmət göstərilməlidir".

Mərkəzi Bankın sədri, "Kapital bazarları da diqqətsiz qalıb, lakin kifayət qədər böyük potensiala malikdir" deyərək çıxışına belə davam edib: "Burada biz xarici məsləhətçilər ilə birlikdə kapital bazarlarının infrastruktururnun təkmilləşdirilməsi, rəqəmsallaşama istiqamətində təşəbbüslərin formalaşası üzərində çalışırıq".

11.10.2023 08:14

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az